قازاقستاننان رەسەيگە كولىك اپارۋ كەزىندە قانداي شارالار قولدانىلادى
ق ر مەملەكەتتىك كىرىستەر كوميتەتىنىڭ مالىمەتىنشە، رەسەي فەدەراتسياسى، بەلارۋس، قازاقستان، ارمەنيا جانە قىرعىز رەسپۋبليكالارىنىڭ اۋماقتارى ە ا ە و- نىڭ ءبىرىڭعاي كەدەندىك اۋماعىن قۇرايدى. ە ا ە و كەدەندىك اۋماعىنىڭ شەكتەرى ە ا ە و كەدەندىك شەكاراسى بولىپ تابىلادى.
«ە ا ە و كەدەن كودەكسىنىڭ (ە ا ە و ك) 2-بابى 1-تارماعىنىڭ 47-تارماقشاسىنا سايكەس مىنالار ەاەو تاۋارلارى بولىپ تابىلادى:
- ە ا ە و كەدەندىك اۋماعىندا ورنالاسقان، ە ا ە و كەدەندىك اۋماعىندا تولىعىمەن وندىرىلگەن؛
- ە ا ە و- نىڭ كەدەندىك اۋماعىندا ورنالاسقان، ە ا ە و تاۋارلارى مارتەبەسىن العان، نە ە ا ە و- نىڭ ك- قا سايكەس، نە ول كۇشىنە ەنگەنگە دەيىن ەاەو تاۋارلارى دەپ تانىلعان تاۋارلار.
ە ا ە و تاۋارلارى مارتەبەسى بار كولىك قۇرالدارى ە ا ە و كەدەندىك اۋماعى شەڭبەرىندە ەركىن قوزعالادى»، - دەلىنگەن حابارلامادا.
سونىمەن قاتار، كولىك قۇرالدارىن قازاقستان رەسپۋبليكاسىنان رەسەي فەدەراتسياسىنا اپارۋ كەزىندەگى كەلەسى تاۋەكەلدەر بار:
قازاقستان رەسپۋبليكاسىندا دۇنيەجۇزىلىك ساۋدا ۇيىمىنا قوسىلۋ شارتى رەتىندە قابىلدانعان مىندەتتەمەلەرگە سايكەس كولىك قۇرالدارىنىڭ كەيبىر ساناتتارىنا قاتىستى كەدەندىك اكەلۋ باجدارىنىڭ «تومەندەتىلگەن» ستاۆكالارى قولدانىلادى.
قازاقستان رەسپۋبليكاسى دۇنيەجۇزىلىك ساۋدا ۇيىمىنا قوسىلعاندىقتان ە ا ە و ءبىرىڭعاي كەدەندىك ءتاريفى باجدارىنىڭ مولشەرلەمەلەرىمەن سالىستىرعاندا بارىنشا تومەن كەدەندىك اكەلۋ باجدارىنىڭ مولشەرلەمەلەرى قولدانىلادى. وسىعان وراي قازاقستاننىڭ د س ۇ- عا قوسىلۋ شارتى رەتىندە قابىلدانعان مىندەتتەمەلەرى بار. وسىعان تومەن ستاۆكالار قولداناتىن جەڭىل كولىك قۇرالدارىنىڭ تىزبەسى جانە ولاردىڭ باج مولشەرلەمەلەرى بەكىتىلدى (ە ە ك كەڭەسىنىڭ 2015 -جىلعى 14 -قازانداعى №59 شەشىمى).
«مۇنداي كولىك قۇرالدارى شارتتى تۇردە شىعارىلعان جانە شەتەلدىك تاۋارلار مارتەبەسىنە يە. رەسەي فەدەراتسياسىندا تۇراقتى تۇراتىن ادامداردىڭ اتالعان كولىك قۇرالدارىن رەسەي فەدەراتسياسىنا اكەلۋىنە تىيىم سالىنادى.
كەدەندىك اكەلۋ باجدارىنىڭ تومەندەتىلگەن مولشەرلەمەلەرى قولدانىلا وتىرىپ، قازاقستان رەسپۋبليكاسىنىڭ اۋماعىندا اينالىمعا شىعارىلعان قازاقستان رەسپۋبليكاسىندا تۇراقتى تۇراتىن تۇلعالار (قازاقستان رەسپۋبليكاسىنىڭ ازاماتتارى نەمەسە وزگە دە تۇلعالار) جانە ەگەر وسىنداي جەڭىل اۆتوموبيلدەر مەن وزگە دە موتورلى كولىك قۇرالدارى قازاقستان رەسپۋبليكاسىنىڭ اۋماعىندا كورسەتىلگەن مەرزىمدەردە تىركەلگەن جاعدايدا، باسقا مۇشە مەملەكەتتەردىڭ اۋماعىنا ۋاقىتشا اكەلە الادى»، - دەپ ءتۇسىندىردى ۆەدومستۆودان.
ول ءۇشىن كولىك قۇرالدارىن سايكەستەندىرۋگە مۇمكىندىك بەرەتىن مالىمەتتەردى قامتيتىن قۇجاتتارى بولىپ، وندا كەدەندىك اكەلۋ باجدارىنىڭ تومەندەتىلگەن مولشەرلەمەلەرىن قولدانا وتىرىپ، اينالىمعا شىعارىلعانى تۋرالى بەلگىسى بولۋى كەرەك.
