قازاقمىس ماشينا جاساۋشىلاردىڭ حالىقارالىق كورمەسىندە ءوز جوبالارىن تانىستىردى
ق ر پرەمەر- ءمينيسترى ءاليحان سمايىلوۆ 21-23-قىركۇيەك ارالىعىندا استانادا ءوتىپ جاتقان ماشينا جاساۋ جانە مەتالل وڭدەۋ جونىندەگى ارنايى حالىقارالىق كورمە اياسىندا قازاقمىس كومپانياسىنىڭ اقپاراتتىق ستەندىمەن تانىستى.
بۇل كورمەدە قازاقمىس «مەيكەر» ج ش س قاراعاندى قۇيۋ- ماشينا جاساۋ زاۋىتىن، سونداي- اق كومپانيانىڭ ۇلىتاۋ وبلىسىنداعى جوبالارىن تانىستىردى.
«قازاقمىس حولدينگ» ج ش س باسقارما ءتوراعاسىنىڭ ءبىرىنشى ورىنباسارى اندرەي گايدين مينيسترلەر كابينەتىنىڭ باسشىسىنا بۇگىنگى تاڭدا تەك قازاقمىس ىشىندە عانا ەمەس، قازاقستاننىڭ مۇناي سالاسىنىڭ دا قاجەتتىلىگىن قامتاماسىز ەتەتىن «مەيكەر» كاسىپورنىنىڭ الەۋەتى تۋرالى ايتىپ بەردى.
قاراعاندى قۇيۋ- ماشينا جاساۋ زاۋىتى 1940 -جىلى قۇرىلعان جانە قازاقستاننىڭ ەڭ ءىرى ماشينا جاساۋ زاۋىتتارىنىڭ ءبىرى بولىپ تابىلادى.
زاۋىتتىڭ قۋاتتى وندىرىستىك بازاسى بار جانە قۋاتى ايىنا 1,5 مىڭ توننادان استام ءونىم شىعاراتىن بۇكىل جۇمىس پروتسەسىنىڭ سەنىمدى ءجۇرىسىن قامتاماسىز ەتەتىن تاجىريبەلى مامانداردان تۇراتىن كوماندا ەڭبەك ەتەدى.
ءوندىرىس ورنى جاڭا ەۋروپالىق جابدىقتارمەن جابدىقتالعان.
