پرەزيدەنت سايلاۋىندا بارلىق كانديداتقا قارسى داۋىس بەرۋگە بولادى
ياعني سايلاۋشىلار بارلىق كانديداتقا قارسى داۋىس بەرە الادى، دەپ حابارلايدى قازاقپارات ءتىلشىسى.
«بارلىعىنا قارسىمىن» گرافاسى زاڭمەن قاراستىرىلعان. بيۋللەتەندە ول گرافا بولادى. ەگەر ازامات بىردە-ءبىر كانديداتتى تاڭداماسا، ول بارلىعىنا قارسى داۋىس بەرۋگە قۇقىلى»، - دەدى ورتالىق سايلاۋ كوميسسياسى ءتوراعاسىنىڭ كونستانتين پەتروۆ باسپا ءسوز ءماسليحاتىندا.
بۇعان دەيىن پرەزيدەنت سايلاۋىنا كانديداتتاردى ۇسىنۋ 23- قىركۇيەكتە باستالاتىنى تۋرالى حابارلاعان ەدىك.
«قازاقستان رەسپۋبليكاسىنىڭ پرەزيدەنتى لاۋازىمىنا كانديداتتاردى ۇسىنۋ سايلاۋ تاعايىندالعان كۇننىڭ كەلەسى كۇنىندە باستالادى. ياعني 2022-جىلعى 23- قىركۇيەكتە باستالىپ، 11- قازان كۇنى ساعات 18:00-دە اياقتالادى»، - دەگەن ەدى كونستانتين پەتروۆ.
ايتا كەتەيىك، ەرتەڭنەن باستاپ پرەزيدەنت سايلاۋىنا كانديداتتاردى ۇسىنۋ باستالادى.
سونداي-اق، پرەزيدەنتتىككە كانديداتتار قازىناعا 3 ميلليون تەڭگە جارنا تولەيتىندىگى ايتىلدى.
ال كانديداتتار ۇگىت-ناسيحات جۇرگىزۋدى 21-قازاندا باستايدى.
ودان بولەك، ورتالىق سايلاۋ كوميسسياسىندا اباي، جەتىسۋ جانە ۇلىتاۋ وبلىسىندا سايلاۋ ۋچاسكەلەرىنىڭ قۇرىلاتىنى ايتىلدى.
