زەلەنسكي رەسەي اگرەسسياسى ءۇشىن ءادىل جازالاۋدى سۇرادى

استانا. قازاقپارات - ۋكراينا پرەزيدەنتى ۆلاديميمر زەلەنسكي رەسەيدىڭ اگرەسسياسى ءۇشىن ادىلەتتى جازا قولدانۋدى تالاپ ەتتى.

بۇل تۋرالى ۋكراينا باسشىسى ب ۇ ۇ اسسمبلەياسىنا جولداعان ۇندەۋىندە ايتتى، دەپ حابارلايدى «حابار 24».

زەلەنسكي رەسەيگە قارسى قارجىلاي سانكسيالارمەن بىرگە قاۋىپسىزدىك كەڭەسىندەگى ۆەتو قۇقىعىنان ايىرۋدى ۇسىندى. رەسەي پرەزيدەنتى پۋتيننىڭ بەيبىت كەلىسسوز تۋرالى مالىمدەمەسىن سىنعا الدى. كەشە رەسەيدە جارتىلاي موبيليزاتسيالاۋ جاريالاندى. پرەزيدەنت پۋتين شارا ۋكراينا بيلىگى دونباستاعى احۋالدى بەيبىت جولمەن شەشۋدەن باس تارتقان سوڭ قابىلدانعانىن مالىمدەگەن ەدى.

ۆلاديمير زەلەنسكي، ۋكراينا پرەزيدەنتى:

- سىزدەر رەسەيدەن بەيبىت كەلىسسوزگە قاتىستى ءتۇرلى مالىمدەمەلەر ەستىدىڭىزدەر. ولار وزدەرىن سوعان دايىن بولعانداي ەتىپ كورسەتە وتىرىپ، جارتىلاي موبيليزاتسيالاۋ جاريالادى. ۋكراينانىڭ جاۋلاپ العان جەرلەرىندە رەفەرەندۋمدار وتكىزۋدى جوسپارلاپ كەلىسسوز تۋرالى ءسوز قوزعادى. قاقتىعىس تەك ۋكراينا ۇستانعان بەيبىت جولىمەن شەشىلۋى كەرەك. رەسەيدىڭ قوقان- لوقىسى جالعاسقان سايىن بۇل ەلمەن ەشقانداي مەملەكەت كەلىسسوز جۇرگىزگىسى كەلمەس.

ال رەسەي سىرتقى ىستەر ءمينيسترى سەرگەي لاۆروۆ ماسكەۋ ۋكراينادا بارلىق العا قويعا ماقساتقا جەتكەنشە ارنايى وپەراتسيانى جالعاستىرۋعا نيەتتى ەكەنىن مالىمدەدى. ول سونداي- اق ۋكرايناداعى داعدارىستىڭ ديپلوماتيالىق جولمەن شەشىلمەي وتىرعانىنا باتىس ەلدەرىن كىنالادى.