كيەۆ پەن ماسكەۋ تۇتقىن الماستى

استانا. قازاقپارات - ماسكەۋ مەن كيەۆ اسكەري تۇتقىندارمەن الماستى. رەسەي بيىل ماريۋپول قالاسىندا شايقاستا تۇتقىنعا بەرىلگەن 215 ۋكراينالىق ساربازدى بوساتتى، دەپ حابارلايدى «حابار 24».

ولاردىڭ اراسىندا «ازوۆ» باتالونىنىڭ كومانديرى دەنيس پروكوپەنكو، ونىڭ ورىنباسارى سۆياتوسلاۆ پالامار جانە جاياۋ- تەڭىز اسكەرى 36 بريگاداسىنىڭ كومانديرى سەرگەي ۆولىنسكي بار. ال ۋكراينا تاراپى رەسەيدىڭ قولعا تۇسكەن 55 جاۋىنگەرى مەن وپپوزيتسيالىق ساياساتكەر ۆيكتور مەدۆەدچۋكتى بەردى.

ايتا كەتەيىك، بۇل ۋكراينادا قاقتىعىس باستالعالى ەكى ەل اراسىنداعى ەڭ اۋقىمدى تۇتقىنداردى الماسۋ بولىپ وتىر. وعان بىرنەشە ەل قاتىسقان. شارا سوڭىنا دەيىن اسا قۇپيا جاعدايدا ۇستالعان.

www.24.kz