وسكەمەندە اۋلادا ماريحۋانا شەگىپ وتىرعان جىگىت «سەرگەك» كامەراسىنا ءتۇسىپ قالدى

وسكەمەن. قازاقپارات - وسكەمەن قالاسىندا اۋلادا ماريحۋانا شەگىپ وتىرعان جىگىت «سەرگەك» كامەراسىنا ءتۇسىپ قالدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەسىرتكى پايدالانعاندى دەگەن كۇدىكپەن 21 جاستاعى وسكەمەن تۇرعىنى ۇستالدى.

قۇقىق بۇزۋشى «سەرگەك» كەشەنىنىڭ كامەراسىنا ءتۇسىپ قالعان.

بەينەباقىلاۋ كامەراسى زاڭسىز ارەكەتتى تىركەگەننەن كەيىن بىرنەشە مينۋت ىشىندە ءتارتىپ ساقشىلارى كەلىپ جەتتى.

پوليتسەيلەردى كورە سالىسىمەن جىگىت ەسىرتكىدەن قۇتىلۋعا اسىققان. ساراپتاما ناتيجەسىنەن ەر ادامنىڭ ماريحۋانا شەككەنى انىقتالدى.

«پوليتسەيلەر قۇقىق بۇزۋشىدان فولگاسى بار پلاستيكالىق بوتەلكە مەن وتكىر ءيىسى بار قوڭىر- جاسىل ءتۇستى وسىمدىك تەكتەس زات سالىنعان قاعاز ورامانى تاركىلەدى. بۇل جالپى سالماعى 1,51 گرام كەپتىرىلگەن ماريحۋانا بولىپ شىقتى»، - دەلىنگەن اقپاراتتا.

اتالعان فاكتى بويىنشا ق ر ق ك-نىڭ 296-بابى 2-بولىگىنە (ەسىرتكى, پسيحوتروپتىق زاتتاردى، سول تەكتەستەردى وتكىزۋ ماقساتىنسىز زاڭسىز دايىنداۋ) سايكەس سوتقا دەيىنگى تەرگەۋ امالدارى ءجۇرىپ جاتىر.

اۆتور

تالعاتجان مۇحامەتبەك ۇلى