شي جينپيڭ قىتاي ارمياسىنا اسكەري دايىندىقتى كۇشەيتۋدى تاپسىردى

استانا. قازاقپارات – 21- قىركۇيەكتە ق ح ر ءتوراعاسى، ق ح ر ورتالىق اسكەري كەڭەسىنىڭ ءتوراعاسى شي جينپيڭ قىتاي حالىق ازاتتىق ارمياسى ناقتى ۇرىس قيمىلدارىنا قاتىسۋعا دايىندالۋى كەرەكتىگىن ايتتى.

قىتايدىڭ ورتالىق تەلەارناسى حابارلاعانداي، ول پەكيندە وتكەن ۇلتتىق قورعانىس جانە اسكەري رەفورما سەمينارىنا قاتىسۋشىلارعا وسىنداي نۇسقاۋ جىبەردى. ءىس- شاراعا ق ك پ و ك ساياسي بيۋروسىنىڭ مۇشەلەرى قاتىستى.

ق ح ر باسشىسى ەلدە ەنىگىزىلىپ جاتقان رەفورمانىڭ بەلگىلەنگەن ماقساتتارىن ىسكە اسىرۋ جونىندەگى جوسپاردى قاتاڭ ۇستانۋ قاجەتتىگىن مالىمدەدى.

2015 -جىلى قىتاي بيلىگى ولاردىڭ تيىمدىلىگىن ارتتىرۋ ءۇشىن قارۋلى كۇشتەردى رەفورمالاۋ جوسپارلارىن جاريالاعان ەدى.

ق ح ر ءتوراعاسى شي جينپيڭ قاجەت بولعان جاعدايدا كەز- كەلگەن جاۋعا قارسى تۇرا الاتىن زاماناۋي ارميا قۇرۋعا تىرىسىپ جاتىر، ونىڭ ايتۋىنشا، ارمياعا قويىلاتىن ەڭ ماڭىزدى تالاپ - ونىڭ جاۋىنگەرلىك قابىلەتى.

Egemen.kz