ۇزاققا سوزىلعان پاندەميادان كەيىن ەۋروپانىڭ تۋريستىك نارىعى جاڭعىرا باستادى
اراسىندا جەكە تۋريستىك باعىت رەتىندە الماتى قالاسى دا بار.
مارلەن مارالوۆ، الماتى قالاسى تۋريزم باسقارماسى جەتەكشىسىنىڭ ورىنباسارى:
- كوۆيدتەن كەيىن ارينە بىزدە قاتتى ءوسىم بايقالادى. ەۋروپادان كەلگەن تۋريستەر سانى ءۇش ەسە ارتتى. العاشقى جارتى جىلدا فرانسيادان 2 مىڭداي ادامدى قابىلدادىق. قازىر بۇكىل ەۋروپادان تۋريستتەردى تارتىپ جاتىرمىز. كورمەلەر مەن روۋد- شوۋلارعا قاتىسىپ كەلەمىز، ويتكەنى بۇل قازاقستان اۋماعى مەن الماتى قالاسىنا تۋريستەردى تارتۋ بويىنشا باستى مىندەتتەرىمىزدىڭ ءبىرى.
الماتى - قالادان الىس ۇزاماي، تاۋ شاڭعىسىمەن اينالىسۋعا مۇمكىندىك بەرەتىن ازعانتاي جەرلەردىڭ ءبىرى. اراب ەلدەرى، ءۇندىستان مەن رەسەي تۋريستەرى بۇل شاھارعا بارۋدى ۇناتادى. بيىل جازدا قالاداعى مەيمانحانالار 90 پروتسەنتكە تولدى، بۇل رەكوردتى كورسەتكىش. تۋريستەر اراسىندا ەۋروپالىقتاردىڭ سانى كوپ ەمەس. كارى قۇرىلىقتان قازاقستانعا قاتىناۋ قىمبات. سوندىقتان بىزگە ۇزاق ۋاقىتقا، كەم دەگەندە 10 كۇنگە كەلەدى.
قازاقستاندىق ستەند جەرگىلىكتى تۋروپەراتورلاردىڭ قىزۋعىشىلىعىن تۋعىزدى. الايدا قازىر ءبىزدىڭ باعىتقا جولداما ساتۋ قيىنداپ كەتتى. ۋكرايناداعى سوعىسقا قاتىستى شىعىس ەۋروپا پەن ورتالىق ازياعا باعىتىنداعى ساياحاتتارعا دا سۇرانىس تومەندەدى. دەگەنمەن قازاقستاننىڭ اسەم تابيعاتىنا ءتانتى تۋريستەر دە بارشىلىق.
ناتاشا دەمۋ، «Parfums Du Monde « تۋريستىك كومپانياسىنىڭ ساتۋ ءبولىمىنىڭ جەتەكشىسى:
- فرانسيادا قازاقستاندى ناسيحاتتاۋ جۇمىستارى قارقىندى ەمەس، بۇل ەل بىزدەر ءۇشىن ءالى دە تاڭسىق بولىپ وتىر. فرانسياداعى تۋريزم سالاسىنىڭ ماماندارى قازاقستان جايلى كوپ بىلە بەرمەيدى. سول سەبەپتى فرانسۋز تەلەارناسىندا قازاقستان جونىندە شاعىن باعدارلاما جاساۋعا كەڭەس بەرەر ەدىم. سەبەبى سىزدەردە جۇرتتىڭ قىزىعۋشىلىعىن تۋعىزاتىن دۇنيەلەر بار.
الايدا فرانسۋزدار ساياحاتقا اسا ساقتىقپەن قارايدى. ولاردى قازاقستانعا تارتۋ ءۇشىن قاۋىپسىزدىككە كەپىل بەرىپ، تىكەلەي اۋەقاتىناسىن ورناتۋ قاجەت.
www.24.kz
