رەسەيدە جارتىلاي اسكەري موبيليزاتسيالاۋ جاريالانۋى مۇمكىن
بۇگىن رەسەي باسشىسى فەدەراتسيا كەڭەسىندە حالىققا ۇندەۋ جولداماق. ال رەسەيلىك مەملەكەتتىك دۋما قىلمىستىق كودەكسكە وزگەرتۋلەردى قابىلدادى. ەگەر فەدەراتسيا كەڭەسى قۇجاتتى بەكىتسە اسكەردەن باس تارتقان ازاماتتارعا 10 جىل باس بوستاندىعىنان ايىرۋ ەنگىزىلەدى.
مەملەكەتتىك قورعانىس تاپسىرىسىن بۇزعاندار دا قىلمىستىق جاۋاپكەرشىلىككە تارتىلادى. جالپى ۋكرايناداعى قارۋلى قاقتىعىس باستالعالى ەلدەگى اسكەري زاۋىتتاردىڭ ءبىر بولىگى تاۋلىك بويى جۇمىس ىستەۋگە كوشىرىلگەن.
موبيليزاتسيا جاريالانا قالعان جاعدايدا اسكەري بورىشىن وتەۋگە مىندەتتى ازاماتتاردىڭ شەتەلگە شىعۋىنا تىيىم سالىنۋى مۇمكىن.
«بۇل قالاي جۇزەگە اساتىنىن بىلمەدىم. ءبىراق كەز كەلگەن زاڭسىز ارەكەتتىڭ الدىن الۋ كوزدەلگەنى انىق. ەگەر موبيليزاتسيالاۋدان باس تارتۋ قىلمىس دەپ تانىلسا، ارينە، ازاماتتار شەتەلگە شىعارىلمايدى. بۇل جەكە قۇجاتپەن بەكىتىلە مە، جوق الدە قابىلدانىپ جاتقان زاڭدار شەڭبەرىندە جۇزەگە اسىرىلا ما، ازىرگە بەلگىسىز»، دەيدى ايماقتىق ماسەلەلەر ينستيتۋتىنىڭ باس ديرەكتورى دميتري جۋراۆليەۆ.
كەيبىر رەسەيلىك دەپۋتاتتار مەن ساراپشىلار ەلدە جاپپاي ەمەس جارتىلاي موبيليزاتسيالاۋ جاريالانۋى مۇمكىن دەپ وتىر. ەگەر مۇنداي شەشىم قابىلدانسا، كەي ايماقتاردا اسكەري جاعداي ەنگىزىلۋى عاجاپ ەمەس.
24.kz
