جاسوسپىرىمدەر اراسىنداعى سەمىزدىككە قاتىستى زەرتتەۋ جۇرگىزىلۋدە
بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«سالاماتتى ءومىر سالتىن قالىپتاستىرۋ ماقساتىندا قانت ديابەتى، جۇرەك- قان تامىرلارى اۋرۋلارى، ونكولوگيا، سوزىلمالى رەسپيراتورلىق اۋرۋلار سياقتى ينفەكتسيالىق ەمەس اۋرۋلاردىڭ پروفيلاكتيكاسى جانە ازايتۋ جونىندەگى شارالار، سونداي- اق الكوگول مەن تەمەكى بۇيىمدارىن تۇتىنۋدى قىسقارتۋ جونىندەگى شارالار ىسكە اسىرىلۋدا»، - دەدى مينيستر «دەنى ساۋ ۇلت» ءاربىر ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوباسىنىڭ ءبىرىنشى جارتىجىلدىقتاعى ناتيجەلەرى جايىندا بايانداي كەلە.
ءمينيستردىڭ ايتۋىنشا، ەلىمىزدە پسيحيكالىق جانە رەپرودۋكتيۆتى دەنساۋلىقتى ساقتاۋ ماسەلەلەرى بويىنشا جاستار ورتالىقتارى جۇمىس ىستەيدى. ولاردا 315 مىڭعا جۋىق جاسوسپىرىمدەر مەن جاستار قامتىلعان.
«سونىمەن قاتار، الدىن الۋ ءىس- شارالارىن ودان ءارى دامىتۋ ءۇشىن 13-15 جاس ارالىعىنداعى جاسوسپىرىمدەردىڭ اراسىندا بالالاردىڭ سەمىزدىگى مەن تەمەكى ونىمدەرىن تۇتىنۋى بويىنشا زەرتتەۋلەر جۇرگىزىلۋدە»، - دەدى اجار عينيات.
