قارجى مينيسترلىگىندە جەمقورلىق نەگە كوپ تىركەلگەن - جاماۋبايەۆ جاۋاپ بەردى

استانا. قازاقپارات - قارجى مينيسترلىگىندە جەمقورلىق فاكتىلەرى ەڭ كوپ تىركەلگەن. ق ر پرەمەر- ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ وسى ماسەلەگە جاۋاپ بەردى، دەپ حابارلايدى قازاقپارات ءتىلشىسى.

«باس پروكۋراتۋرانىڭ جۇرگىزگەن رەسمي ستاتيستيكاسى بويىنشا، ىشىندەگى جەمقورلارى ەڭ كوپ ۆەدومستۆو قارجى مينيسترلىگى ەكەنى ايتىلدى. بۇل تۋرالى ويىڭىز قانداي؟»، - دەپ سۇرادى جۋرناليستەر قارجى مينيسترىنەن ۇكىمەت وتىرىسىنان كەيىن.

ەرۇلان جاماۋبايەۆ مۇنداي ستاتيستيكا ەشكىمگە ابىروي اكەلمەيتىنىن ايتىپ، اتقارىلىپ جاتقان شارالارعا دا توقتالدى.

«بىرىنشىدەن، بۇل جونىندە ءتيىستى ەسكەرتۋلەر جاسالدى. قازىر بۇكىل وڭىرلەرمەن جۇمىس اتقارىلىپ جاتىر. ارينە، بۇل ستاتيستيكا ەشكىمگە جاقسىلىق اكەلمەيدى. ءبىراق اينالىپ كەلگەندە كەشەندى تۇردە جۇمىستار جۇرگىزىپ جاتىرمىز.

ەكىنشىدەن، وزدەرىڭىز بىلەسىزدەر، جالپى مينيسترلىكتەردىڭ ىشىندە ءبىزدىڭ مينيسترلىك ەڭ ۇلكەنى. ياعني قۇقىق قورعاۋ ورگاندارىن المايتىن بولساق، قارجى مينيسترلىگىنىڭ قىزمەتكەرلەرى بۇكىل مەملەكەت قىزمەتكەرلەرىنىڭ 25 پايىزىن قۇرايدى. سول ستاتيسكانى وزدەرىڭىز ادام باسىنا شاعىپ قاراساڭىزدار، ءبىز ءبىرىنشى ورىندا تۇرامىز»، - دەدى ۆيتسە- پرەمەر.

اۆتور

ەسىمجان ناقتىباي