نيدەرلاند تۋريستەر ءۇشىن قايتا اشىلدى

بريۋسسەل. قازاقپارات - نيدەرلاند ۇكىمەتى ەلگە كىرۋشىلەرگە COVID-19 بويىنشا بارلىق شەكتەۋلەردى الىپ تاستادى، دەپ حابارلايدى قازاقپاراتتىڭ مەنشىكتى ءتىلشىسى.

«نيدەرلاند ۇكىمەتى 2022-جىلدىڭ 17 - قىركۇيەگىنەن باستاپ ەلگە كىرۋگە سالىنعان تىيىمدى الىپ تاستاۋ جونىندە شەشىم قابىلدادى. نيدەرلاندتاعى ەپيدەميولوگيالىق جاعدايدى ەسكەرە وتىرىپ، ۇكىمەت نيدەرلاندقا كىرۋ ءۇشىن ە و- عا كىرۋگە سالىنعان تىيىم بۇدان بىلاي جارامدى ەمەس دەپ سانايدى»، - دەلىنگەن ەل ۇكىمەتىنىڭ حابارلاماسىندا.

ەۋروپالىق كوميسسيا 2022-جىلدىڭ كۇزىندە ەۋروپالىق وداققا (ە و) كىرۋ ەرەجەلەرىن قايتا قاراۋ تۋرالى ۇسىنىس جاريالاۋدى جوسپارلاپ وتىر.

ۇكىمەتتىڭ شەشىمى 2022-جىلعى 17 - قىركۇيەكتەن باستاپ COVID-19 عا بايلانىستى ەشقانداي شەكتەۋ نەمەسە تالاپ نيدەرلاندقا، ونىڭ ىشىندە ەو/شەنگەن ايماعىنا كىرمەيتىن ەلدەردەن كەلگەن ساياحاتشىلارعا قولدانىلمايدى دەگەندى بىلدىرەدى.