21:34, 20 - قىركۇيەك 2022 | GMT +6
ەردوعان: پۋتين سوعىستى تەزىرەك اياقتاعىسى كەلەدى
استانا. قازاقپارات - تۇركيا پرەزيدەنتى رەجەپ تايىپ ەردوعان امەريكالىق PBS تەلەارناسىنا بەرگەن سۇحباتىندا «پۋتين سوعىستى تەزىرەك اياقتاعىسى كەلەدى» دەدى.
«پۋتينمەن وزبەكستاندا كەڭىرەك اڭگىمەلەستىك. اڭگىمەدەن ونىڭ سوعىستى تەزىرەك اياقتاۋعا دايىن ەكەنىن ۇقتىم، سەبەبى جاعداي ۋشىعىپ بارادى» دەدى ەردوعان سامارقاندتاعى ش ى ۇ سامميتىنەن كەيىن بەرگەن سۇحباتىندا.
تۇركيا پرەزيدەنتى پۋتين بۇل سوعىستى بەيبىت جولمەن شەشۋگە تىرىساتىنداي دەيدى.
ەردوعان سۇحباتىندا ماسكەۋ مەن كيەۆ 200 تۇتقىن الماسۋعا كەلىسكەنىن ايتادى.
ماسكەۋ مەن كيەۆ اراسىنداعى كەلىسسوز مامىردا توقتاعان ەدى. ەكى تاراپ سوڭعى رەت 29- ناۋرىزدا ستامبۋلدا كەزدەسكەن. كيەۆ رەسەي ۋكراينا اۋماعىنداعى بارلىق اسكەرىن اكەتپەيىنشە كەلىسسوز جۇرگىزبەيتىنىن مالىمدەگەن.
«ازاتتىق»
