فۋتزالدان جولداستىق كەزدەسۋدە قازاقستان قۇراماسى ازەربايجاندى ەكىنشى مارتە جەڭدى

استانا. قازاقپارات - فۋتزالدان قازاقستان قۇراماسى بۇگىن ازەربايجانمەن ەكىنشى جولداستىق كەزدەسۋىن وتكىزەدى، دەپ حابارلايدى قازاقپارات ءتىلشىسى.

اقتاۋ قالاسىنداعى «حالىق ارەنا» سپورت كەشەنىندە وتكەن كەزدەسۋ فۋتزالدان 2024-جىلعى الەم چەمپيوناتىنا ىرىكتەۋگە دايىندىق ەسەبىندە ۇيىمداستىرىلدى.

بۇگىنگى كەزدەسۋدە قۇرامالار تاراپىنان تارتىستى ويىن ءوربىدى. ولار ءبىر-ءبىرىنىڭ قاقپاسى ماڭىندا ءجيى بوي كورسەتتى.

ازەربايجان قۇراماسى بۇگىنگى كەزدەسۋدە جەڭىسكە جەتۋ جولىن ىزدەدى. ناتيجەسىندە ولار ويىن بارىسىندا ەسەپ بويىنشا الدا تۇردى. دەسە دە قازاقستاندىق فۋتزالشىلار ولارعا لايىقتى تويتارىس بەرە ءبىلدى.

وسىلايشا قازاقستاندىق فۋتزالشىلار قارسىلاسىنان 6:5 ەسەبىمەن باسىم ءتۇستى.

ەسكە سالساق، بۇدان بۇرىن قازاقستان قۇراماسى ازەربايجاندى جەڭگەن بولاتىن.

ەندى ەل قۇراماسى الەم چەمپيوناتىنىڭ نەگىزگى ساتىسىنداعى ىرىكتەۋ كەزەڭىندە بەسىنشى توپتا سىنعا تۇسەدى. قارسىلاستارى - سلوۆەنيا جانە چەرنوگوريا.

ىرىكتەۋ كەزەڭى 2022-جىلدىڭ 8 - قازانىندا باستالىپ، 2023-جىلدىڭ 8 - ناۋرىزىندا اياقتالادى.