قازاقستاننان كەتكەن بىلىكتى مامانداردىڭ بازاسى جاسالا باستادى

بۇل تۋرالى «وتانداستار قورى» كوممەرتسيالىق ەمەس اكسيونەرلىك قوعامىنىڭ پرەزيدەنتى ابزال ساپاربەك ۇلى ءمالىم ەتتى، دەپ حابارلايدى قازاقپارات ءتىلشىسى.

«سوڭعى جىلدارى ەلدەن جاس، بىلىكتى مامانداردىڭ كەتۋ ءۇردىسى توقتار ەمەس. مىسالى، تەك قانا ا ق ش- تىڭ وزىندە 100 دەن استام وتە بىلىكتى IT - مامان ءجۇر. وكىنىشكە قاراي، سىرتتاعى بۇل الەۋەتتى قولدانا الماي وتىرمىز. سىرتتاعى ءتۇرلى سالاداعى ماماندار مەن تۇلعالاردىڭ ورتاق بازاسىن جاساۋدىڭ جانە ولارمەن جۇمىس ىستەۋدىڭ ناقتى الگوريتمى مەن جوبالارىن ۇسىنۋ مىندەتى تۇر. وسى رەتتە قوعام بۇل باعىتتا تولىق بازا قۇرۋدى باستادى»، - دەدى ول قوردىڭ جانىنداعى قوعامدىق كوميسسيانىڭ وتىرىسىندا.

ايتۋىنشا، كەيىنگى جىلدارى ا ق ش پەن تۇركيادا عانا 130 مىڭ قازاقستاندىق مامان ەڭبەك ەتىپ ءجۇر.

«سىرتتاعى قازاقتاردىڭ قاتارىنا كەيىنگى جىلدارى شەتەلگە كەتكەن جاڭا قازاقتاردى قوسۋعا بولادى. مىسالى، ا ق ش- تا 100 مىڭعا جۋىق، تۇركيادا 30 مىڭعا جۋىق، ال ەۋروپادا 10 مىڭعا جۋىق جاڭا قازاقستاندىق تۇرىپ جاتىر»، - دەدى قوردىڭ پرەزيدەنتى.