وتانداستار قورىنىڭ جىلدىق بيۋجەتى قانشا
«قوردىڭ جىلدىق بيۋجەتى قانشا؟ بىلتىرعىدان ازايدى ما، كوبەيدى مە؟ جالپى قوردىڭ شتاتىندا نەشە ادام جۇمىس ىستەيدى؟» دەپ سۇرادى كوميسسيانىڭ مۇشەسى، قوعام قايراتكەرى اۋىت مۇقيبەك.
قوعامدىق كوميسسيانىڭ ءتوراعاسى، سەناتور مۇرات باقتيار ۇلىنىڭ ايتۋىنا قاراعاندا، بيىلعى بيۋجەت بىلتىرعىدان از بولىپ وتىر.
«2022-جىلى «وتانداستار» قورىنىڭ بيۋجەتى 650 ميلليون تەڭگە بولىپ بەلگىلەنگەن. جالپى شتاتتا 33 ادام جۇمىس ىستەيدى. ونىڭ ىشىنە دۇنيەجۇزى قازاقتارى قاۋىمداستىعىنىڭ شتاتى دا كىرەدى. شتاتتاعى قىزمەتكەرلەر اراسىندا شەتەلدەن وتانعا قونىس اۋدارعان ەكى ازامات بار. جالپى قوردىڭ ديرەكتورلار كەڭەسىنىڭ قۇرامىندا قانداس وتانداستارىمىز دا بار. سونىڭ ءبىرى - كاسىپكەر سىرىمبەك تاۋ»، - دەدى «وتانداستار قورىنىڭ» پرەزيدەنتى ابزال ساپاربەك ۇلى.
