گولوۆكين ءتورت ايدىڭ ىشىندە ەريسلەندي لارامەن جەكپە-جەككە شىعۋعا ءتيىس
بۇكىلالەمدىك بوكس قاۋىمداستىعى (WBA) گولوۆكين-الۆارەس تريلوگياسىنا رۇقسات بەرىپ، قازاقستاندىق جەڭگەن جاعدايدا وعان 5 كۇن ىشىندە سۋپەر ورتا سالماقتا قالۋ-قالماۋ جونىندە شەشىم قابىلداۋعا ۋاقىت بەرۋگە كەلىسكەن.
سونداي-اق، ەگەر گولوۆكين ورتا سالماققا قايتا ورالامىن دەسە، تريولوگيا ناتيجەسىنە قاراماستان 120 كۇن ىشىندە لارامەن جۇدىرىقتاسۋعا مىندەتتەلگەن.
ايتا كەتەيىك، 18- قىركۇيەك كۇنى لاس-ۆەگاستاعى T- Mobile Arena ستاديونىندا وتكەن گەننادي گولوۆكين مەن ساۋل الۆارەس اراسىنداعى 12 راۋندتىق بوكس جەكپە-جەگى تورەشىلەردىڭ شەشىمى بويىنشا مەكسيكالىقتىڭ پايداسىنا شەشىلدى.
جەكپە-جەك اياقتالعاننان كەيىن گەننادي گولوۆكينن بوكستان كەتپەيتىنىن مالىمدەدى.
«ارينە، مەنىڭ ۇلكەن جوسپارلارىم بار. كوزدەپ جۇرگەن قارسىلاستارىم كوپ. «كانەلونى» قۇتتىقتايمىن جانە بۇكىل بوكس جانكۇيەرلەرىن قۇتتىقتايمىن. جىگىتتەر، ەستەرىڭدە بولسىن، مەنىڭ ورتا سالماقتا ءۇش بەلبەۋىم بار. مەن ءالى ورالامىن. مەن ءالى دە بولسا چەمپيونمىن»، - دەدى گولوۆكين.
