نازاربايەۆتىڭ نەمەرە ءىنىسى قايرات ساتىبالدىنىڭ ءىسى بويىنشا سوت پروتسەسى باستالدى

سوت پروتسەسسى اشىق-ونلاين رەجيمدە ءوتىپ جاتىر، دەپ حابارلايدى Halyq Uni ءتىلشىسى.

قايرات ساتىبالدى وتىرىسقا قورعاۋشىسىمەن بىرگە ە ت س166/1 مەكەمەسىنەن Zoom كونفەرەنسياسى ارقىلى قوسىلدى.

وعان قىلمىستىق كودەكستىڭ «الداۋ نەمەسە سەنىمگە قيانات جاساۋ جولىمەن مۇلىكتىك زالال كەلتىرۋ»، «سەنىپ تاپسىرىلعان بوتەن مۇلىكتى يەمدەنۋ نەمەسە تالان-تاراجعا سالۋ» باپتارى بويىنشا ايىپ تاعىلىپ وتىر.

سوت وتىرىسى باستالماس بۇرىن قايرات ساتىبالدى وتباسى مۇشەلەرىمەن سويلەستى.

سامات، قالايسىڭ؟ سامات، اعانىڭ (ن. نازاربايەۆتىڭ - رەد.) قاسىندا بول ءارقاشاندا. ءبارىن ىستە، ونىمەن كەڭەس، جاراي ما؟، - دەدى قايرات ساتىبالدى ىنىسىنە.

اعاسىنىڭ سۇراقتارىنا جاۋاپ بەرگەن سامات ءابىش باۋىرىن ساعىنعانىن ايتتى.

ايتا كەتەيىك، 2022-جىلدىڭ 13- ناۋرىزىندا سىبايلاس جەمقورلىققا قارسى قىزمەت قايرات ساتىبالدىنىڭ ۇستالعانىن حابارلادى. ول «قازاق تەلەكوم» ا ق- نىڭ قاراجاتىن اسا ءىرى كولەمدە جىمقىردى دەگەن كۇدىككە ىلىنگەن.

قايرات ساتىبالدى - تۇڭعىش پرەزيدەنت نۇرسۇلتان نازاربايەۆتىڭ نەمەرە ءىنىسى.

قايرات ساتىبالدىنىڭ بۇرىنعى ايەلى گۇلميرا ساتىبالدى دا قاماۋعا الىندى. ول ۋنيۆەرسيادا-2017 نىساندارىن جوندەۋگە بولىنگەن اقشانى ۇرلادى دەپ ايىپتالدى.