19:00, 20 - قىركۇيەك 2022 | GMT +6
تارازدان قارۋ-جاراق قويماسى تابىلدى
تاراز. قازاقپارات - تاراز قالاسىنىڭ شەتىندە قارۋ-جاراق قويماسى تابىلدى، دەپ حابارلايدى قازاقپارات Polisia.kz سايتىنا سىلتەمە جاساپ.
جاپپاي تارتىپسىزدىك كەزىندە ۇرلانعان قارۋلاردىڭ ورنالاسقان جەرىن انىقتاۋ بويىنشا بىرلەسكەن جەدەل-ىزدەستىرۋ ءىس-شارالارىن جۇرگىزۋ بارىسىندا پوليتسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ جانە تاراز قالاسى پوليتسيا باسقارماسى كريمينالدىق پوليتسيا ءبولىمىنىڭ قىزمەتكەرلەرى قالا ماڭىنان قارۋ-جاراق پەن وق-دارىلەر سالىنعان قاپتى تاپتى.
تابىلعان قاپتان ەكى كالاشنيكوۆ اۆتوماتى، FBI8000 گاز تاپانشاسى، جارىق-شۋىلدى گراناتا، اۆتوماتتىڭ وقجاتارلارى، پىشاقتى مىلتىق، پوليتسيا كاسكاسى، رەزەڭكە تاياق جانە ءارتۇرلى كاليبرلى 200 گە جۋىق پاترون الىندى.
