قىتاي شي جينپيڭنىڭ قازاقستانعا ءىس ساپارىنىڭ ناتيجەسىن جاريالادى
ق ح ر ءتوراعاسى شي جينپيڭ 14- قىركۇيەك كۇنى مەملەكەت باسشىسى قاسىم-جومارت توقايەۆتىڭ ارنايى شاقىرتۋىمەن قازاقستانعا مەملەكەتتىك ساپارمەن بارعان بولاتىن.
بۇل قىتاي پرەزيدەنتىنىڭ پاندەميا باستالعالى بەرى جاساعان العاشقى ساپارى بولدى.
قىتاي سىرتقى ىستەر مينيسترلىگىنىڭ ەۋروپا جانە ورتالىق ازيا دەپارتامەنتى ديرەكتورىنىڭ ورىنباسارى ليۋ جيانپين ءىس ساپاردىڭ نەگىزگى ماقساتىنا توقتالدى.
14-16- قىركۇيەك ارالىعىندا ءتوراعا شي جينپيڭ قازاقستان پرەزيدەنتى قاسىم-جومارت توقايەۆ پەن وزبەكستان پرەزيدەنتى شاۆكات ميرزيەيەۆتىڭ شاقىرتۋىمەن ەكى ەلدە مەملەكەتتىك ءىس ساپارمەن بولدى. ءتوراعا سامارقاندتا وتكەن ش ى ۇ- نىڭ 21-وتىرىسىنا قاتىستى، - دەدى ول.
ليۋ جيانپين ق ح ر ءتوراعاسى شي جينپيڭ قازاقستاندا رەسمي كەزدەسۋ وتكىزگەنىن اتاپ ءوتتى.
قازاقستانعا ءىس ساپارىندا ءتوراعا قازاقستان پرەزيدەنتى توقايەۆپەن تالقىلاۋ وتكىزىپ، «قازاقستان- قىتاي مىڭجىلدىق ديالوگى» كورمەسىن تاماشالادى. سونىمەن قاتار «التىن قىران» وردەنىمەن ماراپاتتاۋ راسىمىنە قاتىستى. مەملەكەت باسشىلارى ەكى ەل اراسىنداعى ديپلوماتيالىق قارىم-قاتىناستاردىڭ ورناعانىنا 30 جىل تولۋىنا وراي بىرلەسكەن مالىمدەمەلەرگە قول قويدى. سونداي-اق ەكونوميكا، ساۋدا، كولىك ينفراقۇرىلىمى، قارجى، سۋ پايدالانۋ جانە باق سالالارىندا 8 قۇجاتقا قول قويىلدى، - دەپ ءتۇسىندىردى ق ح ر س ءى م وكىلى باسپا ءسوز كونفەرەنسياسىندا.
