جاساندى ينتەللەكت قازاقشا سويلەي باستادى
بۇگىندە عالىمدار عىلىمي- زەرتتەۋ جانە كوممەرتسيالىق ماقساتتا جاساندى ينتەللەكتتى دامىتۋ مەن ەنگىزۋدە مول جەتىستىكتەرگە جەتتى. اكۋستيكالىق تالداۋدىڭ كومەگىمەن جاساندى ينتەللەكت پاركينسون اۋرۋىن، پسيحيكالىق بۇزىلىستاردى، ءتىپتى كەيبىر جۇرەك قان- تامىرى سياقتى ءبىرقاتار نيەۆرولوگيالىق دەرتتەردىڭ دە دامۋ ىقتيمالدىعىن داۋىسپەن- اق انىقتاي الادى.
ءداستۇرلى ەمەس بەينە ساۋندترەكتەرىن جاساندى ينتەللەكت ارقىلى اۆتوماتتى تۇردە اۋدارۋدىڭ جاڭا ءادىسىن الەم كومپانيالارى اينالىمعا دەندەپ ەنگىزە باستادى. وسى سالادا قىزمەت كورسەتىپ كەلە جاتقان ۋكراينالىق فاۋندەرلەردىڭ كومەگىمەن قۇرالعان شۆەيتساريالىق كومپانيا ەندى قىزمەتىن قازاق تىلىندە دە ۇسىناتىن بولدى.
الەكساندر ۋسيك، WBA SUPER نۇسقاسى بويىنشا كاسىپقوي بوكستان الەم چەمپيونى:
- بۇل جەكپە- جەك ەرەكشە بولدى. ويتكەنى مەن ەموتسيالارىمدى باسقارا السام دا ءالى دە ازداپ الاڭدادىم.
دەنيس كراسنيكوۆ، ۋكراينا ونەركاسىپ جانە كاسىپكەرلەر وداعىنىڭ ۆيتسە- پرەزيدەنتى، جوبا قۇرىلتايشىسى:
- بۇل جاساندى ينتەللەكت ارقىلى كەز كەلگەن بەينەنى 67 تىلگە جانە 60 ديالەكتىگە اۋدارۋعا مۇمكىندىك جاسالعان. جاقسى جاڭالىقتىڭ ءبىرى سول - ەندى ماتەريالدى قازاق تىلىنەن دە، قازاق تىلىنە دە اۋدارۋعا بولادى. ءبىز ءىرى كومپانيامىز جانە جەكە تۇلعالارمەن جۇمىس جاسايمىز. جاساندى ينتەللەكت بەينە جازبانىڭ جۇزدەن 99 پروتسەنت ءدال اۋدارماسىن سول مەزەتتە ۇسىنادى ءارى اۋدارما داۋسى قازاقى قوڭىر ماقامدا. قۇرىلتايشىلاردىڭ ايتۋى بويىنشا مۇنداي روباتتار قارجى مەن ۋاقىت ۇنەمدەۋدە دە مول سەپتىگىن تيگىزبەك ءارى نارىقتاعى ءداستۇرلى اۋدارماعا قاراعاندا جۇمىسى جيىرما پروتسەنتكە ارزان. ءبىراق جوبا ماقساتى - قاراجاتتا عانا ەمەس، ماقسات - ۇلتتىق تىلدەردى دارىپتەۋ، دەيدى Vidby قۇرىلتايشىلارى.
دەنيس كراسنيكوۆ، ۋكراينا ونەركاسىپ جانە كاسىپكەرلەر وداعىنىڭ ۆيتسە- پرەزيدەنتى، جوبا قۇرىلتايشىسى:
- ءبىزدىڭ كومپانيانىڭ ميسسياسى - اۋدارما كەزىندە الەم حالىقتارىنىڭ تىلدىك تازالىعىن ساقتاۋ، بەينەكونتەنتتى دامىتۋعا جاعداي جاساۋ جانە ەڭ باستىسى - انا تىلدە ءبىلىم الۋعا مۇمكىندىك ۇسىنۋ. ءدال ءارى ساپالى بەرىلەتىن اۋدارماعا قوسا، باعدارلامالىق قۇرال دىبىستىق فايلدان كەز كەلگەن شۋ مەن مۋزىكانى اۆتوماتتى تۇردە ءوزى الىپ تاستاپ، جاساندى ينتەللەكت ارقىلى ادام ءسوزىن انىقتاپ، ونىڭ اۋدارماسىن دىبىستاي الادى. بۇل رەتتە وعان ونلاين رەداكتور كومەككە كەلمەك، بۇل ۆيدەوداعى ديالەكتىلەر مەن بىرەگەي اتاۋلاردى اۋدارۋ كەزىندە قولدانىلادى. تاعى ءبىر مۇمكىنشىلىك - SubRip ءسۋبتيترى، وسى قوسىمشا ارقىلى جوعارى ساپالى سۋبتيترلەردى جاساۋعا جاعداي جاسالعان، بۇل قىزمەت قوسىمشا اقىسىز قول جەتىمدى.
اۆتورلارى: ايدا قىدىرباي، دميتري روگاچ
www.24.kz
