يندۋستريا مينيسترلىگى ەۋرووداق ەلدەرىنەن تاۋار تاسىمالداۋشىلارعا ەسكەرتۋ جاسادى
بۇل تۋرالى قازاقپارات اتالعان مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى.
قازاقستان اۋماعىنا ەۋروپادان تىركەمەلى جولمەن ءارى شامادان تىس جۇكتەمەمەن تاسىمالداناتىن جۇكتەردى جەتكىزۋ كەزىندە شەتەلدىك تاسىمالداۋشىلاردا ءتيىستى ۇلگىدەگى ەكى رۇقسات بلانكىسى بولۋى كەرەك.
رەسەي جانە بەلارۋس جۇك تاسىمالداۋشىلارىنا ەۋروپالىق وداق تاراپىنان ەنگىزىلگەن سانكسيالىق شەكتەۋلەرگە بايلانىستى بۇگىندە كارى قۇرلىق ەلدەرىنەن قازاقستانعا تاسىمالداناتىن جۇكتەردىڭ باسىم بولىگى شامادان تىس جۇكتەمەمەن بەلارۋستىڭ شەكارالىق ايماقتارىندا ورنالاسقان تەرمينالدار ارقىلى جۇزەگە اسىرىلۋدا.
وسىعان وراي، قازاقستان رەسپۋبليكاسىنىڭ حالىقارالىق شارتتارى مەن ىشكى زاڭناماسىنا وراي اتالعان جولمەن جۇك تاسىمالىن جۇزەگە اسىرۋ بارىسىندا شەتەلدىك تاسىمالداۋشىدا وزىمەن بىرگە ءتيىستى ۇلگىدەگى ەكى رۇقسات بلانكىسى بولۋى كەرەك. ءبىرىنشى بلانكىنى تاسىمالداۋشىعا شەكارالىق تەرمينالعا دەيىن جۇك جىبەرگەن تاراپ بەرەدى. ال ەكىنشى رۇقسات بلانكىسى تىركەمەلى جولمەن ەنگىزىلگەن جۇكتەردى تەرمينالدا تيەلگەن كەزدە بەرىلەدى. ول رۇقساتتاما قۇجاتى ءتيىستى جۇك قازاقستان اۋماعىنا ەنگەنشە جارامدى بولىپ تابىلادى.
جۇكتەردى ءۇشىنشى ەلدەن شامادان تىس جۇكتەمەمەن تاسىمالداۋ كەزىندە شەتەلدىك تاسىمالداۋشىلار تاراپىنان شارتتار جۇيەلى ءارى ءجيى بۇزىلۋدا. وسىعان سايكەس، ق ر يندۋستريا جانە ينفراقۇرىلىمدىق دامۋ مينيسترلىگى ق ر سىرتقى ىستەر مينيسترلىگىمەن بىرلەسىپ قىزىعۋشىلىق تانىتقان قۇزىرلى ورگاندار مەن شەتەلدىك ۇيىمدارعا ءتيىستى حابارلاما جىبەردى.
ءۇشىنشى ەلدەردەن شامادان تىس جۇكتەمەمەن اكەلىنەتىن تاۋارلارعا رۇقساتتاما بەرۋ جۇيەسىن قولدانۋ ەرەجەسى مەن ونى تاسىمالداۋشىلاردى قاداعالاۋى تۋرالى ەسكەرتپەلەر ە و، ە ە و، ت م د ەلدەرى مەن ۋكراينا جانە گرۋزياعا جولداندى.
