تۇركيانىڭ ءىرى بانكى رەسەيدىڭ «مير» تولەم جۇيەسىمەن جۇمىس ىستەۋدەن باس تارتتى

مۇنان وزگە DenizBank تە رەسەيدىڭ «مير» كارتاسىمەن وپەراتسيا جاساۋدى دوعارعان. مۇنى ر ي ا «نوۆوستي» جازدى.

ءبىرقاتار ب ا ق- تار تۇركيانىڭ بىرنەشە قوناق ءۇيى «مير» كارتاسىن قابىلداماي جاتقانىن اتاپ وتكەن. رەسەيدىڭ تۋروپەراتورلار اسسوتسياتسياسى تۇركياعا باراتىن تۋريستەرگە وزدەرىمەن ناقتى ۆاليۋتا الىپ ءجۇرۋ جونىندە كەڭەس بەرگەن.

قازىر تۇركيانىڭ Vakıfbank, Ziraat Bank, Iş Bank جانە Halkbank سەكىلدى ءىرى بانكتەرى رەسەيدىڭ «مير» كارتاسىمەن جۇمىس ىستەپ وتىر، ءبىراق ولار دا الداعى ۋاقىتتا رسەسي كارتاسىنان باس تارتپاقشى.

وتكەن اپتادا امەريكانىڭ Financial Times باسىلىمى ا ق ش پەن ەۋروپا وداعى ۋكرايناعى باسىپ كىرگەنى ءۇشىن سالىنعان سانكتسيادان اينالىپ وتۋگە مۇمكىندىك بەرەتىن «مير» تولەم جۇيەسىمەن ارىپتەستىگى ءۇشىن تۇركياعا قىسىم جاساپ جاتقانىن حابارلاعان.

ا ق ش مەملەكەتتىك دەپارتامەنتى تۇركيادا عانا ەمەس، كاۆكاز بەن ورتالىق ازيا ەلدەرىندە دە رەسەيگە سالىنعان سانكتسيادان اينالىپ وتەتىن ارەكەتتەرگە جول بەرمەيتىنىن مالىمدەگەن.