الاياقتار كولىك سالىعىن شۇعىل تولەۋدى تالاپ ەتىپ جالعان حابارلاما جىبەرە باستادى

حابارلامانى تاپسىرۋدىڭ قولدانىستاعى تارتىبىنە - حابارلاماسى بار تاپسىرىس حاتپەن پوشتا ارقىلى، سالىق تولەۋشىنىڭ جەكە كابينەتىنە ەلەكتروندى تاسىلمەن ءموبيلدى قوسىمشا ارقىلى جىبەرۋ كىرەدى.

حابارلامانىڭ فەيك ەكەنىن قالاي انىقتايمىز؟

مىنالارعا نازار اۋدارىڭىز:

- حابارلاما جىبەرۋشىنى قاتە كورسەتۋى، مىسالى «ق ر سالىقتارى» ا ق»؛

- مۇلىك سالىعىن دۇرىس تولەگەن كەزدە مەملەكەتتىك كىرىستەر كوميتەتىنىڭ مەملەكەتتىك كىرىستەر باسقارماسى كورسەتىلۋى كەرەك، مۇلىك سالىعى - جىلجىمايتىن مۇلىكتىڭ ورنالاسقان جەرى بويىنشا، ال كولىك سالىعى - سالىق تولەۋشىنىڭ تۇرعىلىقتى جەرى بويىنشا كورسەتىلەدى؛

- سالىق تولەۋدىڭ بەلگىلەنگەن مەرزىمى بار: كولىك سالىعى بويىنشا – 1-ساۋىردەن كەشىكتىرمەي، مۇلىك سالىعى بويىنشا – 1-قازاننان كەشىكتىرمەي. تيىسىنشە حابارلامالار وسى مەرزىمگە دەيىن ءاربىر سالىق بويىنشا جىبەرىلەدى.

ەستە ساقتاڭىز:

- ەسەپتەلگەن سالىق سوماسىن «kgd.gov.kz» سايتىندا جانە «e -salyq Azamat» ءموبيلدى قوسىمشاسىندا «الداعى تولەمدەر» سەرۆيسىنەن، سونداي- اق بانكتەردىڭ Homebank جانە Kaspi.kz (مەملەكەتتىك قىزمەتتەر - سالىق - كولىك جانە مۇلىك سالىعى- ج س ن تەرۋ) ءموبيلدى قوسىمشالارىندا بىلۋگە بولادى؛

- سالىق بويىنشا بەرەشەكتىڭ بار نە جوق ەكەنىن «e -Salyq Azamat» (AppStore, PlayMarket) ءموبيلدى قوسىمشاسى→ەلەكتروندىق سەرۆيستەر→سالىق جانە الەۋمەتتىك تولەمدەر بويىنشا بەرەشەك سەرۆيسى→ج س ن ەنگىزۋ ارقىلى تەكسەرۋگە بولادى.

«سالىق ورگانىنىڭ بارلىق ەسەپتەۋلەرى جانە تولەنگەن سالىق سومالارى سالىق تولەۋشىنىڭ دەربەس شوتىندا كورسەتىلەدى. وسىعان بايلانىستى، انىقتامالىق اقپارات الۋ ءۇشىن جەكە تۇلعالار ءبىرىڭعاي بايلانىس ورتالىعىنىڭ 1414 تەگىن تەلەفون ءنومىرى بويىنشا جۇگىنە الادى»، - دەيدى م ك ك.