قازاقستاندا قوسىمشا زەينەتاقى تولەمدەرى قاشان بەرىلە باستايدى؟
ق ر الەۋمەتتىك كودەكسىنىڭ جوباسىندا زەينەتاقى جۇيەسىنىڭ تيىمدىلىگىن ارتتىرۋ بويىنشا جاڭا شارالار پاكەتى قاراستىرىلعان. ولاردىڭ ءبىرى - 2023-2027-جىلدار كەزەڭىندە جۇمىس بەرۋشىلەردىڭ مىندەتتى زەينەتاقى جارنالارىن (ج م ز ج) كەزەڭ-كەزەڭىمەن ەنگىزۋ. بۇل زەينەتكەرلىك دەمالىسقا شىققان ازاماتتارعا جيناقتاۋشى جۇيەدەن قوسىمشا زەينەتاقى تولەمىن تولەۋگە مۇمكىندىك بەرەدى.
«بۇگىندە قازاقستاندا بازالىق جانە ىنتىماقتى زەينەتاقىنى، سونداي-اق ب ج ز ق- دان زەينەتاقى تولەمىن (قىزمەتكەردىڭ زەينەتاقى جيناقتارى ەسەبىنەن قالىپتاستىرىلادى) قامتيتىن كوپ دەڭگەيلى زەينەتاقى جۇيەسى قالىپتاستى.
زەينەتاقىنىڭ ىنتىماقتى بولىگى جىل سايىن ازاياتىنى بەلگىلى، ويتكەنى ونى تاعايىنداۋ كەزىندە 1998-جىلعى 1- قاڭتارعا دەيىن، ياعني جيناقتاۋشى جۇيە ەنگىزىلگەنگە دەيىن جاسالعان ەڭبەك ءوتىلى ەسكەرىلەدى. بۇل رەتتە جۇمىسكەردىڭ 10 پايىز ب ج ز ق- عا جارنالارى ءتيىستى زەينەتاقى مولشەرىن قامتاماسىز ەتۋ ءۇشىن جەتكىلىكسىز»، - دەلىنگەن حابارلامادا.
مينيسترلىك مالىمەتىنشە، الەمدىك تاجىريبەدە زەينەتاقىمەن قامتاماسىز ەتۋدە جۇمىس بەرۋشىگە ماڭىزدى ءرول بولىنگەن. مىسالى، مالايزيادا جۇمىسكەر تابىسىنىڭ 23 پايىزىنان جۇمىس بەرۋشىلەر زەينەتاقى قورىنا - 12 پايىز، قىزمەتكەر - 11 پايىز؛ اۆستراليادا 9,5 پايىزىن تەك جۇمىس بەرۋشى تولەيدى؛ بەلارۋستە - 29 پايىز، ونىڭ ىشىندە جۇمىس بەرۋشى - 28 پايىز؛ گەرمانيادا - 18,6 پايىز، ونىڭ ىشىندە جۇمىس بەرۋشى 9,3 پايىز تولەيدى.
«قازاقستاندا ج م ز ج ەنگىزۋ حالىقتى زەينەتاقىمەن قامسىزداندىرۋ جاۋاپكەرشىلىگىن مەملەكەت، جۇمىس بەرۋشى جانە قىزمەتكەر اراسىندا بولۋگە مۇمكىندىك بەرەدى، سونداي-اق جوعالعان تابىستى بارابار زەينەتاقى تولەمدەرىمەن الماستىرۋدى قامتاماسىز ەتۋگە ىقپال ەتەدى.
كاسىپكەرلىك سۋبەكتىلەرىنىڭ مۇددەلەرىن ەسكەرە وتىرىپ، كۇن تارتىبىنەن تىس كەزەڭدە جۇمىس بەرۋشىلەرگە تۇسەتىن جۇكتەمەنى ازايتۋ ماقساتىندا ق ر الەۋمەتتىك كودەكسىنىڭ جوباسىندا 5 جىل ىشىندە ج م ز ج كەزەڭ-كەزەڭمەن ەنگىزۋ كوزدەلگەن»، - دەلىنگەن حابارلامادا.
بۇل شارا زەينەتاقىسىنىڭ مولشەرى ولاردىڭ زەينەتاقى اۋدارىمدارىنا تىكەلەي بايلانىستى بولاتىن 1975-جىلدان كەيىن تۋعان قازاقستاندىقتاردى قولداۋعا باعىتتالعانى ايتىلدى. ولاردىڭ زەينەتاقىسى ءۇش كومپونەنتتەن قۇرالادى: مەملەكەتتەن بازالىق زەينەتاقى، جيناقتاۋشى زەينەتاقى – ب ج ز ق- عا ءوز اۋدارىمدارى ەسەبىنەن جانە شارتتى-جيناقتاۋشى زەينەتاقى-جۇمىس بەرۋشىلەر جارنالارى ەسەبىنەن.
شارتتى-جيناقتاۋشى قۇرامداۋىش جيناقتاۋشى (اۋدارىمدار كەزەڭى جانە ولاردىڭ جيىنتىق كولەمى تىركەلەدى) جانە ىنتىماقتى (تۇسكەن قاراجات 1975-جىلدان كەيىن تۋعان جانە زەينەتكەرلىك جاسقا جەتكەن جۇيەگە قاتىسۋشىلارعا زەينەتاقى تولەۋگە باعىتتالاتىن بولادى) زەينەتاقى جۇيەلەرىنىڭ ارتىقشىلىقتارىن قامتيدى.
