الاباي يت ەر ادامدى تالاپ تاستادى

بۇل تۋرالى WhatsApp مەسسەندجەرىندە ۆيدەو تارادى. ۆيدەو اۆتورىنىڭ ايتۋىنشا، وقيعا اتىراۋ قالاسىنداعى بالاۋسا شاعىن اۋدانىندا بولعان. 14-كوشەدەگى جول بويىندا بەيقام تۇرعان ەر ادامدى الاباي تۇقىمداس يت تالاعان.

وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ مالىمەتىنشە، يت تالاعان ەر ادام وبلىستىق اۋرۋحانا جاتىر.

«بۇگىن، 19-قىركۇيەكتە تۇنگى ساعات 01:41-دە جەدەل جاردەم بريگاسىنىڭ كولىگىمەن ەر ادام وبلىستىق اۋرۋحانانىڭ تراۆماتولوگيا بولىمىنە جەتكىزىلدى. زارداپ شەگۋشىنىڭ جاسى - 43-تە. وعان يت تالاعانى جونىندە دياگنوز قويىلدى. اياعى مەن قولىندا كوپتەگەن جاراقاتى بار. قازىر جاعدايى قالىپتى»، - دەپ حابارلادى باسقارمانىڭ باسپا ءسوز قىزمەتى.

اتىراۋدا بۇعان دەيىن دە قاباعان يتتەر ادامداردى بىرنەشە رەت تالاعان دەرەگى تىركەلگەن. ماسەلەن، بيىلعى 7-مامىردا 5 جاسار قىزدى يت تالاپ تاستاعان.

«كەزەكشى دارىگەر- تراۆماتولوگتىڭ ايتۋىنشا، بۇرالقى يت بالانىڭ سول جاق بەتىن، جوعارى جانە تومەنگى ەرنىن بىرنەشە رەت تىستەگەن. اۋرۋحانادا بالانىڭ بەتىندەگى جاراقاتى تىگىلدى. قۇتىرۋعا قارسى ۆاكسينا سالىندى»، - دەپ ءمالىم ەتكەن ەدى وبلىستىق بالالار اۋرۋحاناسىنىڭ باسپا ءسوز قىزمەتىنەن.

ال، اتىراۋ قالاسىنىڭ تۇرعىنى اسەم بايجاننىڭ ايتۋىنشا، قاڭعىباس يت ونىڭ بالالارىنا دا، وزىنە دە بىرنەشە رەت شابۋىل جاساعان.