11:35, 19 - قىركۇيەك 2022 | GMT +5
اباي وبلىسىنىڭ پوليتسيا قىزمەتكەرى قازاق كۇرەسىنەن الەم چەمپيونى اتاندى
استانا. قازاقپارات - اباي وبلىسىنىڭ پوليتسيا قىزمەتكەرى QAZAQ KURESI بويىنشا الەم چەمپيونى اتاندى، دەپ حابارلايدى قازاقپارات ق ر ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، الەم بىرىنشىلىگى 13-20-قىركۇيەك ارالىعىندا رۋمىنيانىڭ كونستانتسا قالاسىندا ءوتىپ، وعان 20 ەلدىڭ سپورتشىلارى قاتىستى.
پوليتسيا لەيتەنانتى سافۋان مۇراتبەكوۆ قازاقستان قۇراماسى ساپىندا 74 كەلى سالماق دارەجەسىندە ونەر كورسەتىپ، فينالدىق بەلدەسۋدە رۋمىنيالىق سپورتشىدان باسىم ءتۇستى.
سافۋان - QAZAQ KURESI بويىنشا حالىقارالىق دارەجەدەگى سپورت شەبەرى، قازاقستاننىڭ جانە ازيانىڭ بىرنەشە دۇركىن چەمپيونى.
