ازىق-تۇلىك كەلىسىمشارت كورپوراتسياسى بيىلعى استىقتى ساتىپ الۋ باعاسىن بەلگىلەدى

3-كلاستى ءبيدايدىڭ تونناسى اقۋىزىنا قاراي 121-125 مىڭ تەڭگە ارالىعىندا ساتىلماق، دەپ حابارلايدى قازاقپارات ءتىلشىسى.

«ازىق-تۇلىك كورپوراتسياسى» ۇ ك» ا ق بيىلعى جىلدىڭ استىعىنا فورۆاردتىق كەلىسىم جانە تىكەلەي ساتىپ الۋ باعاسىن جاريالادى. 3 كلاستى ءبيدايدىڭ تونناسى ساپاسىنا قاراي ق ق س ەسەپتەگەندە 121-125 مىڭ تەڭگە ارالىعىندا تۇرماق.

4- كلاستى ءبيداي ق ق س قوسا ەسەپتەگەندە 115 مىڭ تەڭگەگە، 5- كلاستى ءبيداي 98 مىڭ تەڭگەگە باعالانعان.

2 كلاستى ارپانىڭ تونناسى 95 مىڭ، سۇلى 90 مىڭ تەڭگە جانە قاراقۇمىقتىڭ تونناسى 170 مىڭ تەڭگە بولىپ بەكىتىلدى.

ازىق-تۇلىك كەلىسىمشارت كورپوراتسياسىندا بۇل دەڭگەيدىڭ نارىقتىق باعاعا جاقىنداتىلىپ الىنعانىن ايتتى.

ال قاتتى ءبيدايدىڭ، كۇنباعىستىڭ، مايلى زىعىر ءدانىنىڭ جانە راپستىڭ باعاسى ءسال كەيىنىرەك بەلگىلى بولماق.

بىلتىر ەلدەگى قۋاڭشىلىققا بايلانىستى ءبيداي باعاسى بىردەن %25، ارپا %75 قىمباتتادى. وسىلايشا 3-كلاستى ءبيدايدىڭ تونناسى 103-107 مىڭ تەڭگە ارالىعىندا ساتىلدى. ال 2- كلاستى ارپا ق ق س- مەن بىرگە 87 مىڭ تەڭگەگە باعالاندى.

س ق و- دا ەگىن وراعى اياقتالۋعا جاقىن. بيىل ءوڭىر ديقاندارى 4,4 ميلليون گەكتار ءداندى داقىلدار ەكتى.

بولجام بويىنشا جىلداعى مەجەدەن كورىنىپ، قامباعا 5 ميلليون توننا استىق قۇيماق. بۇگىندە گەكتارىنان 12,7 تسەنتنەردەن ءبيداي الىنىپ جاتىر. 164 مىڭ گەكتار القاپتىڭ مايلى داقىلى ورىلدى. ەگىن جيناۋ ناۋقانىنا بارلىعى 7 مىڭنان استام استىق جينايتىن كومباين، 4,5 مىڭ دەستەلەگىش جانە 5 مىڭنان استام جۇك كولىگى جۇمىلدىرىلدى.