ق ر پرەزيدەنتى ش ى ۇ ەلدەرىنە اسكەري- ساياسي ىنتىماقتاستىقتى ارتتىرۋدى ۇسىندى
«ۇيىم قىزمەتىن ودان ءارى جەتىلدىرىپ، ش ى ۇ كەڭىستىگىندە جانە ودان تىس جەرلەردە نەگىزگى ۇردىستەردى بولجاۋ ءىسىن كۇشەيتۋ ماڭىزدى.
ش ى ۇ قىزمەتى ونىڭ جارعىلىق قۇجاتتارىندا كورسەتىلگەن نەگىزگى قاعيداتتاردىڭ وزەكتىلىگىن ايقىندادى. ولار: ەكسترەميزم، تەرروريزم، سەپاراتيزم سەكىلدى «ءۇش زۇلىمدىققا» قارسى كۇرەس، مەملەكەتتەردىڭ ەگەمەندىگى مەن تەرريتوريالىق تۇتاستىعىن قورعاۋ، ىشكى ىستەرگە ارالاسپاۋ»، - دەدى مەملەكەت باسشىسى ش ى ۇ- عا مۇشە مەملەكەتتەر باسشىلارى كەڭەسىنىڭ كەڭەيتىلگەن قۇرامداعى وتىرىسىندا سويلەگەن سوزىندە.
ق. توقايەۆ اتاپ وتكەندەي، ۇيىمنىڭ نەگىزگى مىندەتى ايماقتىق قاۋىپسىزدىكتى نىعايتۋ بولىپ قالا بەرەدى.
«اتالعان وزەكتى سالادا بىرلەسە قىزمەت ەتۋدى كوزدەيتىن بۇرىن قابىلدانعان قۇجاتتاردى ىسكە اسىرۋدى جالعاستىرۋ قاجەت. سوندىقتان قورعانىس ۆەدومستۆولارى مەن ارنايى قىزمەتتەر اراسىندا اسكەري- ساياسي ىنتىماقتاستىقتى ارتتىرۋدى ۇسىنامىن.
وسى رەتتە ش ى ۇ- نىڭ ورتالىق ازيا وڭىرلىك اقپاراتتىق ۇيلەستىرۋ ورتالىعىمەن اراداعى قاتىناستاردى نىعايتۋ ماڭىزدى ءرول اتقارا الادى.
ۇيىمنىڭ اقپاراتتىق كەڭىستىگىن قورعاۋ ينفراقۇرىلىمىن قۇرۋ ءۇشىن كيبەرقىلمىسپەن كۇرەس ماسەلەلەرىنىڭ وزەكتىلىگى ارتا تۇسەدى»، - دەدى قازاقستان پرەزيدەنتى.
