الماتىدا اسكەري كيىم كيگەن الاياق ىزدەستىرىلىپ جاتىر
الماتى. قازاقپارات - الماتىدا پوليتسيا اسكەري قىزمەتشىنىڭ كيىم كيىپ الىپ، ەلدى الداپ جۇرگەن ادامدى ىزدەستىرىپ جاتىر، دەپ حابارلايدى Polisia.kz.
الماتى قالاسى ناۋرىزباي اۋداندىق پوليتسيا باسقارماسى اسكەري قىزمەتشىلەردىڭ اتىن جامىلىپ، الاياقتىق جاساپ جۇرگەن ادام تۋرالى ەسكەرتتى.
قۇقىق بۇزۋشى الدىمەن ءوزىنىڭ جۇمىس بابىمەن وزگە قالاعا اۋىسقالى جاتقانىن ايتىپ، ءتۇرلى تۇرمىستىق تەحنيكا مەن زاتتارىن ساتاتىنى تۋرالى جارناما بەرەدى. ساتىپ الۋشىلار تابىلعاندا ولارعا ساتىلاتىن زاتتاردىڭ اقشاسىن تولىق اۋدارتادى. كۇدىك تۋدىرماۋ ءۇشىن ول زاتتاردى ساتىپ الۋشىعا ءوزىنىڭ اسكەري كيمىمەن تۇسكەن سۋرەتى مەن قۇجاتتارىن جىبەرەدى.
«اتالعان الاياققا الدانىپ قالعاندار سانى تەك الماتىنىڭ وزىندە 10 ادامدى قۇراپ وتىر»، - دەدى الماتى قالاسى ناۋرىزباي اۋداندىق پوليتسيا باسقارماسىنىڭ باستىعى دانيار مەڭدەبايەۆ.
