ريم پاپاسى قازاقستان تۋى تۋرالى وي ءبولىستى
«تۋداعى قىران جەر بەتىنە بيلىك جۇرگىزگەن ەجەلگى يمپەريالاردىڭ ەستەلىگى ىسپەتتەس. ساياسات پەن ترانستسەندەنتتىلىك اراسىندا ۇيلەسىمدى بايلانىس بار - ەكى ءتۇرلى كەڭىستىك قاتار ءومىر ءسۇرىپ جاتقانداي. قىران بوپ سامعاۋ ءۇشىن اشىق اسپان قالاي قاجەت بولسا، ادامعا دا سونداي شەكسىز ءارى شەكتەۋسىز ەركىن كەڭىستىك قاجەت»، - دەدى ريم پاپاسى الەمدىك جانە ءداستۇرلى دىندەر كوشباسشىلارىنىڭ VII سەزىنىڭ جابىلۋ شاراسىندا.
ونىڭ پايىمىنشا، قۇداي جولىنداعى قۇندىلىقتار جەر بەتىنىڭ ولشەمىندەگى «بۇگىندەرىمەن» شەكتەلمەۋى كەرەك.
«ءبىز ۇكىمەتتەرگە جانە قۇزىرەتتى حالىقارالىق ۇيىمدارعا اسكەري قاقتىعىستار مەن سوعىس قيمىلدارىنىڭ سالدارىنان، ەكسترەميستەر مەن تەرروريستەر تاراپىنان زورلىق-زومبىلىققا ۇشىراعان، ادامي قۇقىقتارى مەن بوستاندىعىنا قول سۇعىلعان ءدىني توپتار مەن ەتنيكالىق قاۋىمداستىقتاردى قولداۋ قاجەتتىگى تۋرالى شۇعىل وتىنىشپەن جۇگىندىك. بىرىنشىدەن، ءدىني بوستاندىق تەك دەرەكسىز ۇعىم عانا ەمەس، سونىمەن بىرگە ناقتى قۇقىق بولۋى ءۇشىن كۇش سالۋ كەرەك»، - دەدى ريم پاپاسى فرانتسيسك.
ەسكە سالساق، ريم پاپاسى فرانتسيسك سەزىنىڭ كەشەگى كۇنىندە ويشىل اقىن ابايدىڭ وزىنەن كەيىن ادامزاتقا باي مۇرا قالدىرعانىنا توقتالعان بولاتىن.
