قازاقستاندا قۇس ەتىنىڭ ءوندىرىسى ارتتى
بۇل ءبىر جىل بۇرىنعىعا قاراعاندا 3,5 پايىزعا كوپ. سونداي-اق، 75,9 مىڭ توننا ءۇي قۇسىنىڭ مۇزداتىلعان ەتى ءوندىرىلىپ، 2021-جىلعى قاڭتار-شىلدەگە قاراعاندا 0,1 پايىزعا ارتىق. بۇل تۋرالى قازاقپارات energyprom.kz سايتىنا سىلتەمە جاساپ حابارلايدى.
ءوندىرىستىڭ باسىم بولىگى الماتى جانە اقمولا وبلىستارىنا تيەسىلى. ماسەلەن، اقمولا وبلىسىندا 38,4 پايىز بالعىن نەمەسە توڭازىتىلعان جانە 18,6 پايىز مۇزداتىلعان قۇس ەتى، الماتى وبلىسىندا - 16,6 پايىز بالعىن نەمەسە سالقىنداتىلعان جانە 50,6 پايىز مۇزداتىلعان قۇس ەتى ءوندىرىلدى.
وسى جىلدىڭ تامىز ايىنىڭ قورىتىندىسى بويىنشا قۇس ەتىنىڭ قۇنى ءبىر جىلدا 27,9 پايىزعا قىمباتتاعان. ونىڭ ىشىندە تاۋىق 25,9 پايىزعا، تاۋىقتىڭ سان ەتى - 28,5 پايىزعا، كەۋدەسى - 29,3 پايىزعا، جىلىنشىك پەن سان - 29,5 پايىزعا وسكەن.
وڭىرلىك بولىنىستە قۇس باعاسى ماڭعىستاۋ وبلىسىندا قاتتى قىمباتتاعان: 43,8 پايىزعا. انتيليدەرلەر ۇشتىگىندە اقتوبە (37,8 پايىز) جانە پاۆلودار (35,2 پايىز) وبلىستارى دا بار. ەڭ ارزان باعا قاراعاندى وبلىسىندا تىركەلدى: جىلىنا 15 پايىز.
وسى جىلدىڭ تامىز ايىندا ق ر دۇكەن سورەلەرى مەن بازارلارىندا ءبىر كەلى تاۋىق ەتى 1,3 مىڭ تەڭگە، ءبىر كەلى تاۋىقتىڭ سان ەتى - 1,2 مىڭ تەڭگە بولدى.
