21:12, 15 - قىركۇيەك 2022 | GMT +5
گولوۆكيننىڭ باپكەرى «كانەلومەن» ايقاس الدىندا تورەشىلەرگە قاتىستى مالىمدەمە جاسادى
نۇر-سۇلتان. قازاقپارات - گەننادي گولوۆكيندى جاتتىقتىراتىن امەريكالىق باپكەر دجوناتان بەنكس Vesti.kz تىلشىسىنە بەرگەن سۇحباتىندا ساۋل الۆارەسپەن ايقاستاعى قازىلىققا الاڭدامايتىنىن ايتتى.
- گولوۆكينگە ەكىنشى ورتا سالماق قانشالىقتى وڭتايلى؟
- گەننادي - ناعىز ورتا سالماقتىڭ بوكسشىسى. ءبىراق سۋپەرورتا ديۆيزيون دا جاقسى، وتە جاقسى.
- «كانەلومەن» ءۇشىنشى رەت ايقاسادى. ءبىراق ءسىزدىڭ باپكەرلىگىڭىزبەن العاش رەت، قىسىم سەزىپ جاتقان جوقسىز با؟
- ەشقانداي قىسىم جوق. بۇل جاي جەكپە-جەك.
- بيۆولمەن ايقاستا دا بايقادىق، ۆەگاستا تورەشىلەر «كانەلوعا» ءالى دە بولىسادى ەكەن.
- بۇل تۋرالى ويلامايمىن. سەن قولىڭنان كەلەتىندى باقىلاۋىڭدا ۇستايسىڭ. تورەشىلەردى باقىلاۋدا ۇستاي المايسىڭ، ءبىراق، قولىڭنان كەلەتىنى بار عوي. نوكاۋت - جەڭۋدىڭ ەڭ جاقسى جولى، شەشىم تورەشىلەرگە قاتىستى بولمايدى. الايدا تەك سونى عانا كوزدەپ شىعۋ مۇمكىن ەمەس.
