ءماسليحات حاتشىسى ەلوردا اتاۋىن وزگەرتۋگە قاتىستى شىعىندارعا تۇسىنىك بەردى
نۇر- سۇلتان. قازاقپارات - نۇر- سۇلتان قالالىق ءماسليحاتىنىڭ حاتشىسى ەرلان كاناليموۆ ەلورداعا استانا اتاۋىن قايتارۋ كەزىندە بولۋى مۇمكىن شىعىندارعا پىكىر ءبىلدىردى، دەپ حابارلايدى قازاقپارات ءتىلشىسى.
ونىڭ ايتۋىنشا، 2019 -جىلى اكىمدىك تاراپىنان ماڭدايشالاردى، بلانكىلەردى، مورلەردى وزگەرتۋگە 30 ميلليون تەڭگە جۇمسالعان. ال سوڭعى ءۇش جىلدا بارلىق مەملەكەتتىك ورگاندار سيفرلىق قۇجات اينالىمىنا كوشتى.
«مەنىڭ ويىمشا، سيفرلىق قۇجات اينالىمىنا كوشىپ جاتقانىمىزدى ەسكەرە وتىرىپ، بيىلعى جىلى شىعىندار الدەقايدا از بولادى. سەبەبى قازىر كوپتەگەن مەملەكەتتىك ورگان رەسمي بلانكىمەن ەشتەڭە جىبەرمەيدى. بارلىعى ە س ق قولدانادى»، - دەدى ءماسليحات حاتشىسى.
ەرلان كاناليموۆتىڭ سوزىنشە، ەلوردا اتاۋىن وزگەرتكەن جاعدايدا ورتالىق مەملەكەتتىك ورگاندار رەسپۋبليكالىق بيۋدجەتتەن، ال جەرگىلىكتى اتقارۋشى ورگاندار جەرگىلىكتى بيۋدجەت ەسەبىنەن قارجىلاندىرىلاتىنىن اتاپ ءوتتى.
ايتا كەتەيىك، بۇعان دەيىن قارجى مينيسترلىگىنەن باس شاھارعا استانا اتاۋىن قايتارۋعا قاتىستى قوسىمشا شىعىن بولمايتىنىن مالىمدەگەن ەدى.
اۆتور
ءاليحان اسقار
