دۇرىس ساۋدالاسا ءبىلۋ ءۇشىن

1. ساۋدالاسۋعا بولا ما، سونى الدىن الا ءبىلىپ الىڭىز. ساۋدامەن اينالىساتىن كەيبىر ەلدەردىڭ وزىندە ساۋدالاسا بەرۋگە بولمايدى. ياعني، باعانى ءسال تۇسىرۋگە بولاتىندىعىنان ساتۋشىنىڭ ءوزى حابار بەرۋى كەرەك. ەگەر ساتۋشى بۇل اڭگىمەنى قوزعاماسا، ءوزىڭىز «مەنىڭ ىزدەپ جۇرگەن زاتىم ەدى، ءبىراق، قىمبات ەكەن» ، - دەسەڭىز ساۋدالاساتىنى تۋرالى ءسوز قوزعارى انىق.

2. قولىڭىزدا بار قارجىنىڭ مولشەرىن انىقتاڭىز. كوزىڭىز تۇسكەن زاتقا قانشالىقتى شىعىندالۋعا دايىن ەكەنىڭىزدى الدىن الا شەشىپ الىڭىز. بۇل ءسىزدى ساتۋشىنىڭ قۇرىعىنا تۇسپەي، مولشەردەن تىس اقشا جۇمساماۋىڭىزعا مۇمكىندىك بەرەدى. سونىمەن قاتار، ساۋدالاسۋ بارىسىندا ەڭ از مولشەردەن باستاڭىز. سول ارقىلى ءوزىڭىز شەكتەۋ قويعان مولشەرگە جەتكەنشە كوتەرىپ وتىرىڭىز.

3. ساتۋشىدان تاۋاردى قانشاعا ساتۋعا دايىن ەكەنىن سۇراڭىز. ەگەر ساتىپ العان تاۋارىڭىز ونسىزدا جەڭىلدىكپەن ساتىلىپ تۇرسا، ساۋدالاسقانىڭىز ورىنسىز بولارى حاق. سوندىقتان، الدىمەن ساتۋشىعا سۇراقتار قويىپ، كەرەك زاتىڭىزدىڭ قۇنىن ءبىلىپ الىڭىز. بۇل ءسىز قانشالىقتى ارزان باعا قويا الاتىنىڭىزدان حابار بەرەدى.

4. ساتۋشىعا دەگەن قۇرمەتىڭىزدى كورسەتىڭىز ساۋدالاسپاس بۇرىن ساتۋشىمەن جاقسى قارىم- قاتىناس ورناتىپ الىڭىز. تاۋارلار تۋرالى قىزىعۋشىلىقپەن سۇراڭىز. ولاردىڭ قايدا وندىرىلەتىنىن ءبىلىڭىز. ەگەر ونىڭ كوڭىلىن تابا بىلسەڭىز ءوزىڭىز ويلاعان باعاعا تاۋاردى الاتىنىڭىز ءسوزسىز.

Massaget.kz