ساۋد ارابياسى كورولدىگىنىڭ يسلام ىستەرى ءمينيسترى داعدارىس كەزىندەگى قۇندىلىقتاردى اتادى
نۇر- سۇلتان. قازاقپارات - قازاقستاندا ۇيىمداستىرىلىپ وتىرعان الەمدىك جانە ءداستۇرلى دىندەر ليدەرلەرىنىڭ سەزى وركەنيەتتەر اراسىنداعى ديالوگتى ورناتۋدا ماڭىزدى ءرول اتقارىپ وتىر.
بۇل تۋرالى ساۋد ارابياسى كورولدىگىنىڭ يسلام ىستەرى، ۋاعىز جانە ناسيحات جونىندەگى ءمينيسترى شەيح ابدۋللاتيف بەن ابدۋلازيز ابدراحمان ءال اش- شەيح ايتتى، دەپ حابارلايدى قازاقپارات ءتىلشىسى.
«وركەنيەتتەر اراسىنداعى ديالوگتى قالپىنا كەلتىرۋدە ءتيىمدى ءرول اتقاراتىن بۇل فورۋمدى جوعارى باعالايمىز. الەمدەگى داعدارىس، اپات جانە قاقىعىستار كەزىندە ءدىن كوشباسشىلارىنىڭ ادامداردىڭ ومىرىنە اسەرى مەن ماڭىزى ارتىپ كەلەدى»، - دەدى ابدۋللاتيف بەن ابدۋلازيز ابدراحمان ءال اش- شەيح ەلورداداعى الەمدىك جانە ءداستۇرلى دىندەر ليدەرلەرىنىڭ VII سەزىندە.
وسى ورايدا ول قيىندىققا تاپ بولعاندار ەرەكشە قولداۋعا مۇقتاج ەكەنىن اتاپ ءوتتى.
بۇدان بولەك ساۋد ارابياسىنىڭ وكىلى كوروناۆيرۋس داعدارىسى مەن ونىڭ سالدارى الەمگە ءالى دە قاۋىپ ءتوندىرىپ تۇرعانىن جەتكىزدى.
«بۇل داعدارىس كەمەدەگىنىڭ جانى ءبىر ەكەنىن كورسەتتى. ادامدار الەم ەلدەرى تاپ جاھاندىق پروبلەمالار مەن سىن- قاتەرلەردى ەسكەرە وتىرىپ، ءوزارا ديالوگتى ساقتاۋ ءۇشىن ىنتىماقتاسۋى كەرەك. اتاپ ايتقاندا، كەدەيلىك، ازىق- تۇلىك تاپشىلى، ىندەت جانە باسقا دا پروبلەمالارعا توتەپ بەرۋ مىندەتى تۇر»، - دەدى ابدۋللاتيف بەن ابدۋلازيز ابدراحمان ءال اش- شەيح.
بۇدان بۇرىن حابارلانعانداي، ەلورداداعى تاۋەلسىزدىك سارايىندا الەمدىك جانە ءداستۇرلى دىندەر ليدەرلەرىنىڭ VII سەزى ءوتىپ جاتىر.
قازاقستان پرەزيدەنتى قاسىم- جومارت توقايەۆ ءدىن كوشباسشىلارىنىڭ ادامگەرشىلىك قۇندىلىقتاردى دارىپتەۋگە قوسقان ۇلەسىن اتادى.
