ريم پاپاسى فرانتسيسك قازاقستاندىقتارعا العىس ءبىلدىردى

«تاعى ءبىر رەت وسىناۋ قۇدايعا قۇلشىلىق شاراسىن جانە مەنىڭ ساپارىمدى ۇيىمداستىرعانى ءۇشىن ەلدىڭ ازاماتتىق جانە ءدىني بيلىگىنە العىس ايتامىن. بارشاڭىزعا، اسىرەسە ورتالىق ازيانىڭ وزگە ەلدەرىنەن جانە وسىناۋ شەكسىز دالانىڭ ءار قيىرىنان كەلگەن جاندارعا ىزەتىمدى بىلدىرەمىن. ەگدە جاستاعى جانە ناۋقاس ادامدارعا، بالالار مەن جاستارعا شىن جۇرەگىمنەن باتامدى جولدايمىن»، - دەگەن ءدىن كوشباسشىسى «قاسيەتتى كرەستى كوتەرۋ» ءراسىمىن ورىندادى.

ايتۋىنشا، اتالعان كرەستە «قازاقستان حالقىنا - العىس، ادامدارعا - بەيبىتشىلىك» دەگەن جازۋ باسىلعان.

«جاراتۋشىعا وسىناۋ ۇلى ەلدە تۇرىپ جاتقان حالىق ءۇشىن العىس. بۇل حالىقتىڭ مىناۋ الەم اسا مۇقتاج ديالوگ پەن بەيبىتشىلىككە ىقپالداستىعى العىسقا لايىق»، - دەدى ريم پاپاسى فرانتسيسك.

سىرتقى ىستەر مينيسترلىگىنىڭ مالىمەتى بويىنشا مەسسا راسىمىنە 7 مىڭنان استام ادام جينالعان.

شارا ەلوردانىڭ EXPO حالىقارالىق كورمە ورتالىعىنىڭ اۋماعىندا ءوتتى.

رەسەيلىك ءدىن قىزمەتكەرى پىرادار يۆان اتالمىش شارانى تاريحي ماڭىزى بار وقيعا دەپ اتادى.

قاراعاندى وبلىسىنان مەسساعا 350 دەن استام كاتوليك ارنايى كەلگەن.