استانا اتاۋىن قايتارۋ ءۇشىن قوسىمشا قاراجات قاجەت بولمايدى - قارجى مينيسترلىگى
«ەلوردانىڭ اتاۋىن وزگەرتۋ بويىنشا توقتالساق، ورتالىق مەملەكەتتىك ورگانداردا عيمارات ماڭدايشاسىنداعى جازۋلار اۋىستىرىلادى. بۇل جۇمىستار جىل سايىن عيماراتتاردى كۇتىپ ۇستاۋعا بولىنەتىن قاراجات ەسەبىنەن جۇزەگە اسىرىلادى. سونىمەن قاتار، بلانكى ونىمدەرىن وزگەرتۋ قاجەت بولادى. اتاپ ايتقاندا، مەملەكەتتىك ورگانداردا ەلەكتروندىق قۇجات اينالىم بار ەكەنىن ەسكەرسەك، بلانكىلەردى باسىپ شىعارۋعا قوماقتى قاراجات كەرەك بولمايدى»، - دەدى دەپارتەمەنت باسشىسى.
ونىڭ ايتۋىنشا، بۇل شىعىنداردى بۇعان دەيىن قاراستىرىلعان قاراجات سوماسىندا ىسكە اسىرۋعا بولادى.
«ەلوردا اتاۋى جازىلعان نورماتيۆتىك-قۇقىقتىق قۇجاتتارعا وزگەرىس ەنگىزۋ قوسىمشا شىعىنداردى قاجەت ەتپەيدى»، - دەدى سۆەتلانا كۋچەروۆا.
بۇدان بۇرىن حابارلانعانداي، دەپۋتاتتاردىڭ ەلورداعا استانا اتاۋىن قايتارۋ تۋرالى ۇسىنىسى مەملەكەت باسشىسىنىڭ كەلىسىمىمەن كونستيتۋتسيالىق زاڭ جوباسىنا ەنگىزىلدى.
