جاپونيادا تۋريستەرگە قويىلاتىن شەكتەۋلەر الىنباق

مينيسترلەر كابينەتى باس حاتشىسىنىڭ ورىنباسارى سەيدزي كيحارا جەرگىلىكتى تەلەارناعا يەننىڭ السىرەۋى «شەتەلدىك تۋريزمدى تارتۋعا ءتيىمدى» ەكەنىن ايتتى.

وتكەن اپتادا يەن %1,7 عا تومەندەپ، سوڭعى 24 جىلداعى ا ق ش دوللارىنا قاتىستى ەڭ تومەنگى دەڭگەيگە جەتتى.

سوڭعى ەكى جىلدا جاپونيا كوروناۆيرۋستىڭ تارالۋىنا بايلانىستى كوپتەگەن شەتەلدىك تۋريستەردىڭ كىرۋىنە تىيىم سالعان. وتكەن جىلى شەتەلدىك قوناقتارعا كەيىنگە قالدىرىلعان توكيو-2020 وليمپياداسىنا قاتىسۋعا تىيىم سالىندى.

دەگەنمەن، وسى ايدا ەلگە كىرۋگە رۇقسات ەتىلگەن شەتەلدىك تۋريستەر سانى كۇنىنە 20 مىڭنان 50 مىڭعا دەيىن ارتتى، ەندى ولاردان گيدپەن ساياحاتتاۋ تالاپ ەتىلمەيدى.

ۇكىمەت كەلۋشىلەرگە ارنالعان كۇندەلىكتى شەكتەۋدى مۇلدەم الىپ تاستاۋى مۇمكىن دەگەن بولجامدار بار.