قازاقستاننىڭ التىن ۆاليۋتا قورى قانشا
«جالپى حالىقارالىق رەزەرۆتەر تامىز ايىندا 382 ميلليون دوللارعا ءوسىپ، 86,5 ميلليارد دوللاردى قۇرادى. ونىڭ ىشىندە ۇلتتىق بانكتىڭ التىنۆاليۋتا اكتيۆتەرى - 32,7 ميلليارد دوللاردى، ۇلتتىق قوردىڭ اكتيۆتەرى - 53,8 ميلليارد دوللاردى قۇرادى.
رەسپۋبليكالىق بيۋجەتكە 3,3 تريلليون تەڭگە ترانسفەرتتەر ءبولۋ ءۇشىن جىل باسىنان باستاپ ۇلتتىق قوردىڭ ۆاليۋتالىق اكتيۆتەرى 3,3 ميلليارد دوللارعا ساتىلدى. تەڭگەمەن تۇسكەن تۇسىمدەر دە پايدالانىلدى. مۇناي باعاسىنىڭ ەداۋىر ءوسۋى اياسىندا ۇلتتىق قورعا تۇسىمدەر جىل باسىنان بەرى شامامەن 3,3 ەسەگە ۇلعايىپ، 4,6 تريلليون تەڭگە بولدى»، - دەدى ول.
ونىڭ ايتۋىنشا، ۇلتتىق قوردىڭ ورتاشا جىلدىق كىرىسى قۇرىلعان كەزدەن بەرى تۇڭعىش رەت %3,05 عا جەتىپ وتىر.
«سوڭعى 5 جانە 10 جىلدا بۇل كورسەتكىش جىلدىق ماندە %1,29 جانە %1,39 بولعان ەدى»، - دەدى ۇلتتىق بانك ءتوراعاسىنىڭ ورىنباسارى.
