مەملەكەتتىك قىزمەتشىلەرگە پلانشەت تاراتىلۋدا

بۇل تۋرالى ۇكىمەت وتىرىسىندا تەحنولوگيالىق سەرپىلىس ۇلتتىق جوباسىن تالقىلاۋ كەزىندە سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين ايتتى، دەپ حابارلايدى قازاقپارات ءتىلشىسى.

«مەملەكەتتىك اپپاراتتىڭ قۇجات اينالىمىن قىسقارتۋ ماقساتىندا «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس، مەملەكەتتىك قىزمەتشىلەرگە پلاشەتتەر تاراتىپ جاتىرمىز. الداعى ۋاقىتتا 450 پلانشەت قوسىمشا بەرىلەتىن بولادى»، - دەدى ب. مۋسين.

ونىڭ ايتۋىنشا، Smart Bridge ارقىلى ينتەگراتسيالار وڭاي جۇرگىزىلىپ وتىر.

«مەملەكەتتىڭ ازاماتتارمەن قاتىناسىن تسيفرلىق قۇرالدارعا كوشىرۋ قولعا الىندى. مىسالى، e-Otinish پلاتفورماسى ءوزىنىڭ تيىمدىلىگىن راستادى. بۇگىن اكىمشىلىك سوتقا وتىنىشتەردى وڭاي بەرۋ ءۇشىن جوعارعى سوتپەن ينتەگراتسيا جۇرگىزدىك. مەملەكەتتىك قىزمەتتەردىڭ ساپاسى بويىنشا حالىقپەن كەرى بايلانىس بار. ءبىز eGov-تا 800 مىڭعا جۋىق قىزمەتكە باعالاۋ جۇرگىزدىك. جاساندى ينتەللەكت تەحنولوگياسىن قولدانىپ، 1414 كەڭەس بەرۋ قىزمەتىن روبوتتاندىرۋ بويىنشا پيلوتتىق جوبا ىسكە اسىرىلىپ جاتىر»، - دەدى مينيستر.

بۇدان بۇرىن حابارلانعانداي، مەملەكەتتىك قىزمەتتەردى ەلەكتروندىق فورماتقا اۋىستىرۋ 94 پايىزعا جەتتى.