ماسكەۋدە قازاقستان- رەسەي سىرتقى ۆەدومستۆو باسشىلارى كەڭەسەدى
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى قازاقپارات ءتىلشىسى.
«وسى جىلدىڭ 22-قىركۇيەگىندە ماسكەۋ قالاسىندا ق ر سىرتقى ىستەر ءمينيسترىنىڭ ورىنباسارى ەرمۇحامبەت قونىسپايەۆ پەن رف سىرتقى ىستەر ءمينيسترىنىڭ ورىنباسارى اندرەي رۋدەنكونىڭ توراعالىعىمەن كەزەكتى قازاقستان- رەسەي سىرتقى ىستەر مينيسترلىكتەرى اراسىنداعى كونسۋلتاتسيالار وتەدى. ءىس- شارا بارىسىندا قازاقستان- رەسەي قاتىناستارىنىڭ وزەكتى ماسەلەلەرىن، سونداي- اق كوپجاقتى بىرلەستىكتەر اياسىنداعى ەكىجاقتى ءوزارا ءىس- قيمىلدى تالقىلاۋ جوسپارلانۋدا»، - دەدى س ءى م وكىلى ۆەدومستۆونىڭ اپتا سايىن وتەتىن بريفينگى بارىسىندا جۋرناليستەردىڭ ساۋالىنا وراي.
ونىڭ اتاپ وتۋىنشە، سول كۇنى ماسكەۋ مەملەكەتتىك حالىقارالىق قاتىناستار ينستيتۋتىندا قازاقستان مەن رەسەي اراسىنداعى ديپلوماتيالىق قاتىناستاردىڭ ورناعانىنا 30 جىل تولۋىنا ارنالعان حالىقارالىق عىلىمي- تاجىريبەلىك كونفەرەنتسيا وتەدى.
«كونفەرەنتسيانى ر ف سىرتقى ىستەر مينيسترلىگىنىڭ ماسكەۋ مەملەكەتتىك حالىقارالىق قاتىناستار ينستيتۋتى مەن ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتى ۇيىمداستىرادى. كونفەرەنتسيا بارىسىندا ءتۇرلى سالالارداعى قازاقستان- رەسەي ىنتىماقتاستىعىن دامىتۋ ماسەلەلەرى تالقىلانادى»، - دەدى ايبەك سمادياروۆ.
