ش ق و-دا جىلقىعا سوعىلعان كولىك جۇرگىزۋشىسى كوز جۇمدى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول-كولىك وقيعاسى 11-قىركۇيەك ساعات 02:44 شاماسىندا ۇلان اۋدانى ايىرتاۋ اۋىلىنىڭ ماڭىندا بولعان. رەسپۋبليكالىق ماڭىزى بار «الماتى- وسكەمەن» تاسجولىنىڭ 18-شاقىرىمىندا كەلە جاتقان «Lada Granta» اۆتوكولىگى جىلقىعا سوعىلدى.

«سونىڭ سالدارىنان 42 جاستاعى جۇرگىزۋشى سول جەردە كوز جۇمدى. ال جاراقات العان 68 جاستاعى جولاۋشى مەديتسينالىق مەكەمەگە جاتقىزىلدى. اتالعان فاكتى بويىنشا ق ر ق ك-نىڭ 345-بابى 3-بولىگىنە (كولىك قۇرالدارىن باسقاراتىن ادامنىڭ ابايسىزدا ادام ولىمىنە اكەپ سوققان جول ءجۇرىسى قاعيدالارىن بۇزۋى) سايكەس سوتقا دەيىنگى تەرگەۋ امالدارى باستالدى»، - دەلىنگەن اقپاراتتا.

ءبىرقاتار سوت- مەديتسينالىق ساراپتاما تاعايىندالعان. سونىڭ ناتيجەلەرى بويىنشا پروتسەسسۋالدىق شەشىم قابىلدانادى.