اباي وبلىسى مەن شىڭجاڭ- ۇيعىر اۆتونوميالىق ولكەسى باۋىرلاس وڭىرلەر اتاندى
اباي وبلىسى اكىمدىگى باسپا ءسوز قىزمەتىنىڭ مالىمەتىنە سۇيەنسەك، ونلاين فورماتتا وتكەن «قىتاي- ەۋرازيا» VII ەكسپو كورمەسى بارىسىندا ەكى ءوڭىردى باۋىرلاس اتاندىرعان حاتتاماعا قول قويىلدى.
«جاڭادان قۇرىلعان اباي وبلىسى ق ح ر- مەن شەكارالاس جاتىر. ءبىز قىتايمەن ايماقارالىق قارىم- قاتىناستى نىعايتۋعا مۇددەلىمىز. ول ءۇشىن ايماعىمىزدا ءوزارا ءتيىمدى ەكونوميكالىق ىنتىماقتاستىقتى ودان ءارى تەرەڭدەتۋ ءۇشىن بارلىق العىشارتتار بار»، - دەدى وبلىس اكىمى نۇرلان ۇرانحايەۆ.
كورشى تاراپ قازاقستاننىڭ قىتاي مەن رەسەي اراسىنداعى كوپىر ەكەندىگىن اتاپ ءوتتى.
«اياگوز- تاچەن باعىتى بويىنشا تەمىرجول قۇرىلىسى جوباسىنىڭ بولاشاعى زور. كەيبىر اكىمشىلىك راسىمدەردى جەڭىلدەتۋ ءۇشىن «باقتى» شەكارا بەكەتىندە جەدەلدەتىلگەن تەكسەرۋ رەجيمى ەنگىزىلدى. جەكە كولىكتەردىڭ قىتاي تىلىندە شەكارادان ءوتۋ الگوريتمدەرى ازىرلەنگەن»، - دەلىنگەن حابارلامادا.
