مايمىل شەشەگىنەن ەكىنشى ادام قايتىس بولدى

بۇل ا ق ش- تاعى وسى اۋرۋعا شالدىعىپ، قايتىس بولعان ەكىنشى جاعداي، دەپ حابارلايدى قازاقپارات ءتىلشىسى CBS News-كە سىلتەمە جاساپ.

بەيسەنبىدە لوس-اندجەلەس وكرۋگىنىڭ دوكتورى ريتا سينگحال مايىتكە ساراپتاما جۇرگىزىلەتىنىن ايتتى. مەديتسينالىق تەكسەرۋ بىرنەشە اپتاعا سوزىلۋى ىقتيمال.

ر. سينگحالدىڭ ايتۋىنشا، لوس-اندجەلەس وكرۋگى ءولىم ماسەلەسىن مەملەكەتتىك جانە فەدەرالدى دەنساۋلىق ساقتاۋ ورگاندارىمەن بىرلەسىپ تەكسەرىپ جاتىر. وسىنىڭ ناتيجەسىندە مايمىل شەشەگىنە شالدىققان ناۋقاستاردى ەمدەۋ حاتتاماسىنا وزگەرىس ەنگىزىلۋى مۇمكىن.

كاليفورنيادا مايمىل شەشەگى ۆيرۋسىنىڭ 4140 جاعدايى تىركەلگەن. بۇل، ەلدىڭ باسقا شتاتتارىنا قاراعاندا كوپ. ا ق ش- تا بارلىعى 20 مىڭ ادام ۆيرۋس جۇقتىرعان.

اۋرۋلاردى باقىلاۋ جانە پروفيلاكتيكا ورتالىقتارى ا ق ش- تان تىس جەرلەردە مايمىل شەشەگىنەن 18 ادام كوز جۇمعانىن ەسەپتەگەن.