جۇمىس كۇشى تاپشى وڭىرلەرگە قونىستاناتىن قانداستارعا قانداي كومەك قاراستىرىلعان
ق ر ەڭبەك جانە حالىقتى الەۋمەتتىك قورعاۋ مينيسترلىگى مەملەكەتتىك ورگاندارمەن بىرلەسىپ، رەسپۋبليكاعا ۆيزالىق رەجيمدەگى ەلدەردەن كەلگەن قانداستاردى قابىلداۋ، قونىستاندىرۋ جانە بەيىمدەۋ بويىنشا ورتالىق جانە جەرگىلىكتى مەملەكەتتىك ورگانداردىڭ ءوزارا ءىس- قيمىلىنىڭ قادامدىق الگوريتمىن ازىرلەدى.
بۇگىنگى كۇنى تۇركىمەنستاننان كەلگەن 666 ەتنيكالىق قازاق جوعارىدا كورسەتىلگەن ۆيزا نەگىزىندە مەملەكەتتىك شەكارادان ءوتتى.
ونىڭ ىشىندە 59 ادام پاۆلودار وبلىسىنا كەلدى، 162 ادام جۇمىس كۇشى تاپشى باسقا وڭىرلەرگە قونىس اۋدارۋعا كەلىستى.
45 ادام ماڭعىستاۋ وبلىسىنا جايعاسۋعا ءوتىنىش بەردى (نەگىزدەمەلەرى بار).
قالعان ەتنيكالىق قازاقتاردى جۇمىس كۇشى تاپشى وڭىرلەرگە قونىستاندىرۋ جۇمىسى ءجۇرىپ جاتىر.
ەستەرىڭىزگە سالا كەتەيىك، قانداستار مەن قونىس اۋدارۋشىلاردى قابىلداۋدىڭ وڭىرلىك كۆوتاسىنا ەنگىزگەن كەزدە ەتنيكالىق قازاقتار سۋبسيديا تۇرىندە مەملەكەتتىك قولداۋدىڭ مىناداي شارالارىن الۋعا قۇقىلى:
- وتباسىنىڭ ءاربىر مۇشەسىنە كوشۋگە 70 ا ە ك مولشەرىندە ءبىرجولعى تولەم (2022 -جىلى - 222,6 مىڭ تەڭگە)؛
- تۇرعىن ءۇيدى جالداۋ جانە كوممۋنالدىق قىزمەتتەرگە اقى تولەۋ شىعىندارىن جابۋ ءۇشىن تولەم 1 جىل ىشىندە اي سايىن تولەنەدى.
تولەم مولشەرى قالاعا قونىس اۋدارعان ءبىر ادام ءۇشىن 20 ا ە ك-تەن (61,3 مىڭ تەڭگە) وتباسى مۇشەلەرىنىڭ سانى بەس جانە ودان دا بولسا 30 ا ە ك- كە (91,9 مىڭ تەڭگە) دەيىن، اۋىلدىق جەرگە قونىس اۋدارعان ءبىر ادام ءۇشىن - 15 ا ە ك- تەن (45,9 مىڭ تەڭگە) وتباسى مۇشەلەرىنىڭ سانى بەس نەمەسە ودان دا كوپ بولسا 21 ا ە ك- كە (64,3 مىڭ تەڭگە) دەيىن.
