قوستانايداعى ءورت: جاڭا ۇيلەر سالىنعانعا دەيىن حالىق قايدا تۇرادى

قوستاناي. قازاقپارات - قوستاناي وبلىستىق ساۋلەت جانە قالا قۇرىلىسى باسقارماسىنىڭ باسشىسى بەرىك تاڭجارىقوۆ ورتتەن زارداپ شەككەندەر جاڭا ۇيلەردىڭ قۇرىلىسى اياقتالعانعا دەيىن قايدا تۇراتىنىن ايتتى، دەپ حابارلايدى قازاقپارات ءتىلشىسى.

ونىڭ مالىمدەۋىنشە، ۋاقىتشا ەۆاكۋتسيالانعان ادامدار اۋليەكول اۋدانىنداعى جاتاقحانالارعا ورنالاستىرىلادى.

«قۇرىلىس جۇمىستارى جۇرگىزىلەتىن ۋاقىتتا ادامداردىڭ ۋاقىتشا تۇرۋى ءۇشىن ارنايى ورىندار ۇيىمداستىرىلدى. اتاپ ايتقاندا، ولار اۋدان اۋماعىنداعى جاتاقحانالارعا ورانالاستىرىلادى. قازىرگى تاڭدا ەۆاكۋاتسيالانعان حالىقتىڭ باسىم كوپشىلىگى تۋىستارىنا كەتىپ جاتىر. ال بارار جەرى نە جاقىندارى جوق ازاماتتار جاڭا ۇيلەرىنىڭ كىلتىن قولدارىنا العانعا دەيىن جاتاقحانالاردا بولادى. ولار 100 پايىز ازىق-تۇلىكپەن قامتاماسىز ەتىلەدى»، - دەپ ءتۇسىندىردى بەرىك تاڭجارىقوۆ.

قوسا كەتسەك، بۇعان دەيىن ءۇيى ورتەنگەن قوستانايلىقتارعا 500 مىڭ تەڭگەدەن العاشقى كومەك بەرىلەتىنىن حابارلاعان بولاتىنبىز. مۇنداي سوماداعى قاراجات 91 وتباسىعا ۇسىنىلادى.

سونداي-اق وبلىستا بولعان الاپات ورتتەن بولعان مال مەن قۇس شىعىنى دا انىقتالدى.