سەناتورلار ورمان شارۋاشىلىعى قىزمەتكەرلەرىنىڭ جالاقىسىن كوتەرۋدى ۇسىندى

«2018-2021-جىلدارى جالپى كولەمى 464219 گەكتاردى قۇرايتىن 2438 ءورت ورىن الىپ، جالپى شىعىن 9167108 مىڭ تەڭگەنى قۇرادى. ياعني، ءبىز جىل سايىن سول پروبلەمادان وراسان زور قارجىلىق، ەكولوگيالىق، ماتەريالدىق جانە تباسقا دا شىعىنعا ۇشىراپ كەلەمىز. وسى جىلدار بويى ەلىمىزدە مۇنداي تابيعي اپاتتارمەن كۇرەسۋدىڭ ءبىرتۇتاس جۇيەسى قالىپتاسپاعانى انىق. ونىڭ ۇستىنە، ۇكىمەت ءالى كۇنگە دەيىن ورماندى قورعاۋ بويىنشا پارمەندى شارالاردى جۇزەگە اسىرعان جوق»، - دەدى سەناتور جەڭىس نۇرعاليەۆ.

سەناتور جالاقىنىڭ تومەن دەڭگەيى، ورمان شارۋاشىلىقتارىن ماتەريالدىق-تەحنيكالىق قامتاماسىز ەتۋدىڭ ناشارلىعى، كادرلاردىڭ تاپشىلىعى پروبلەمالارىن ايتتى.

«توتەنشە جاعدايلار مينيسترلىگىنە قاراستى كاسىبي اسكەريلەندىرىلگەن اۆاريالىق-قۇتقارۋ قىزمەتىن قالپىنا كەلتىرۋ قاجەت، ول رەسپۋبليكاداعى تەحنوگەندىك جاعدايلارعا جەدەل دەن قويا الادى. كاسىپورىننىڭ 13 فيليالى ەلىمىزدىڭ 12 وڭىرىندە ورنالاستىرىلدى. قۇتقارۋ جۇمىستارىنا جۇمىلدىرۋ جاريالانعاننان كەيىن كاسىپورىن 2 مىڭنان استام كاسىبي قۇتقارۋشىنى جىبەرە الادى»، - دەدى سەناتور.

وسى ورايدا دەپۋتاتتار ورمان شارۋاشىلىعى ءۇشىن ءورت ءسوندىرۋ تەحنيكاسىن دا، ارنايى تەحنيكانى جاڭارتۋعا دا قاراجات ءبولۋدى، ورمان شارۋاشىلىعى قىزمەتكەرلەرىنىڭ جالاقىسىن كوبەيتۋدى، ورتتەردى ەرتە انىقتاۋدىڭ اقپاراتتىق جۇيەلەرىن ەنگىزۋدى ۇسىندى. بۇل ادامي فاكتوردى بولدىرماۋعا جانە تيىسىنشە ءورت وشاقتارىنا جەدەل دەن قويۋعا مۇمكىندىك بەرەدى.