الماتىداعى ءورتتى ۇيىمداستىرعان ءورت ءسوندىرۋشى ەكەنى انىقتالدى

نۇر- سۇلتان. قازاقپارات - الماتىداعى ءورتتى ۇيىمداستىرعان قالالىق توتەنشە جاعدايلار دەپارتامەنتىنىڭ ءورت ءسوندىرۋشىسى ەكەنى انىقتالدى.

قازاقپارات بۇل تۋرالى ق ر توتەنشە جاعدايلار مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

ۆەدومستۆو اقپاراتىنا سۇيەنسەك، 7-قىركۇيەكتە YouTube-تەگى كانالداردىڭ بىرىندە «مچس پودجيگاەت كازاحستان. ۋستانوۆلەنا ليچنوست پودجيگاتەليا يز الماتى» اتاۋىمەن ۆيدەوروليك ورنالاستىرىلعان. ق ر ت ج م سوعان قاتىستى تەكسەرۋ جۇرگىزگەن.

«ۆيدەوروليكتە ءورتتى ۇيىمداستىرعانداردىڭ ءبىرى ورتكە قارسى قىزمەت قىزمەتكەرى جانات ۋتەۋليەۆ دەپ ايتىلعان.

بەينەروليكتە كورسەتىلگەن ازامات الماتى قالاسىنىڭ توتەنشە جاعدايلار دەپارتامەنتى «ءورت ءسوندىرۋ جانە اۆاريالىق- قۇتقارۋ جۇمىستارى قىزمەتى» م م № 5 مامانداندىرىلعان ءورت ءسوندىرۋ ءبولىمىنىڭ قىزمەتكەرى، اعا ءورت ءسوندىرۋشى، ازاماتتىق قورعاۋ سەرجانتى، 1983 -جىلى تۋعان جانات ەرعالي ۇلى ۋتەۋليەۆ بولىپ تابىلادى. ول ازاماتتىق قورعاۋ ورگاندارىندا 2008 -جىلدان باستاپ قىزمەت اتقارادى.

ج. ە. ۋتەۋليەۆتى الماتى وبلىسى جامبىل اۋداندىق پوليسيا ءبولىمىنىڭ قىزمەتكەرلەرى ۇستاپ، اكىمشىلىك قۇقىق بۇزۋشىلىق كودەكسىنىڭ 440-بابى 1-بولىگى جانە 505-بابىنىڭ 1-بولىگى بويىنشا اكىمشىلىك جاۋاپكەرشىلىككە تارتىلدى»، - دەلىنگەن مينيسترلىك حابارلاماسىندا.

ءمالىم ەتىلگەندەي، تەكسەرۋ شارالارى بارىسىندا ج. ۋتەۋليەۆ قۇرعاق ءشوپتى نە ءۇشىن ورتەگەنىن تۇسىندىرە الماعان.

«سەبەبى ول قاتتى ماس كۇيدە بولعان. قازىرگى ۋاقىتتا قىزمەتتىك تەرگەپ- تەكسەرۋ بەلگىلەندى»، - دەدى مينيسترلىكتىڭ باسپا ءسوز قىزمەتىنەن.