ۇلتتىق قور تابىسىن بالالارعا اۋدارۋ: مينيستر الدىن الا تەتىكتەردى اتادى
بۇل تۋرالى ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى قازاقپارات ءتىلشىسى.
«پرەزيدەنتتىڭ «ۇلتتىق قور - بالالارعا» باستاماسىن جۇزەگە اسىرۋ ماقساتىندا ۇكىمەت ۇلتتىق بانكپەن بىرلەسىپ، باعدارلامانى ىسكە قوسۋ تەتىكتەرىن پىسىقتاپ جاتىر. 18 جاسقا دەيىنگى بارلىق بالاعا جەكە جيناقتاۋشى ەسەپشوت اشىلاتىن بولادى. 2024-جىلدان باستاپ جىل سايىن بالالاردىڭ ەسەپشوتىنا ۇلتتىق قوردىڭ ينۆەستيتسيالىق تابىسىنىڭ جارتىسى اۋدارىلا باستايدى»، - دەدى مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ اتاپ وتۋىنشە، قاراجات جىلىنا ءبىر رەت كەلەسى جىلدىڭ باسىندا 18 گە تولمايتىن بارلىق بالاعا تەڭدەي مولشەردە اۋدارىلاتىن بولادى.
«ازىرشە الدىن-الا تەتىكتەرى وسىنداي. قازىرگى ۋاقىتتا ەسەپتەۋلەر قوسىمشا پىسىقتالىپ جاتىر»، - دەدى الىبەك قۋانتىروۆ.
